निर्देशकका कारण संगीतकारले झण्डै छोडेका थिए, प्रसाद ! तर, हिट भयो लै... लै...

गीतले कथा बोकेको हुन्छ । अझ चलचित्रको गीतले त कथा बोकेकै हुनुपर्छ । कयौं दृष्यहरुबाट भन्न पर्ने वा भनौं लामो समय खर्चिएर बुझाउन पर्ने कुराहरु एउटै गीतको माध्यमबाट पनि सहजै बुझाउन सकिन्छ ।

हुन त धेरै चलचिमा गीत राख्नै पर्छ भन्ने स्वमान्यताका आधारमा गीतहरु राख्ने गरिन्छ । कथाले मागोस् नमागोस्, सिच्यिुयसनले स्वीकार गरोस् नगरोस्, गीत त चाहियो, चाहियो । त्यो पनि एउटा हो र ३–४ वटै । सायद यसैले होला संगीतका जानकारहरु चलचित्रले गीतलाई बोक्न नसकेको बरु गीतले चलचित्र बोकेको दाबी गर्छन । उनीहरुको दाबी वास्तविक जस्तो पनि किन लाग्छ भने गीतलाई चलचित्र चलाउने हतियारका रुपमा मात्र प्रयोग गरियो, धेरै चलचित्रमा । गीत राख्नै पर्छ भनेर मात्र राखियो । गीतले कथा बोक्नु पथ्र्यो तर, त्यस्तो भएन् ।

तर, केही गीतहरु यस्ता पनि छन् जसले सिङ्गो चलचित्रको कथा बोक्छन् । झण्डै ४ मिनेटको गीतले विषयको गहिराईमा सहजै पुर्याइदिन्छन् । दर्शकको ध्यान मात्र तान्दैनन् मन छोइदिन्छन् । अनि चलचित्रको कथा भनिदिन्छन् । यस्तै एउटा गीत हो चलचित्र प्रसादको लै... लै...

Prasad

Know more about Nepali Movie 'Prasad'

गणेश शाहीको शव्द रहेको गीतले चलचित्रको कथा भनेको छ । गीतकै आधारमा भन्ने हो भने चलचित्रले अन्र्तजातिय विवाह गर्ने जोडीको कथा भन्छ । जहाँ माया भन्दा ठुलो अरु केही नभएको अथ्र्याउन खोजिएको छ । हुन त चलचित्रको निर्माण युनिटले यसलाई निःसन्तान दम्पतिको कथा पनि भनेको छ ।

प्रसादको यो गीत अहिले चर्चामा छ । गीतमा शव्द, संगीत र स्वरको संगम मिलेको छ । गीतमा गणेश शाहीको शव्द, सुवास भुषालको संगीत र केतन क्षेत्रीको स्वर छ । धेरैले यसलाई रुचाएका छन् । खासगरि शव्द ज्यादा रुचाइए ।

गीतकार गणेश नामि गीतकार होइनन् । केही चलचित्रमा सहायक निर्देशकको रुपमा काम गरेका गणेश म्युजिक भिडियोका निर्देशक हुन । उनले अहिले सम्म झण्डै आधा दर्जनमात्र गीत लेलेका छन् । सफलताको हिसावले हेर्ने हो भने उनको सबैभन्दा धेरै रुचाइएको गीत यही हो । जसले गीतकारका रुपमा पनि गणेशको उपस्थिति बलियो बनाउन सक्छ संगीत क्षेत्रमा ।

तर, गणेशले सहजै यो गीत लेखेका भने होइनन् । न त एकै बसाईमा यो गीत लेखियो । सुवासले पनि एकै बसाई तयार गरेका होइनन् । पटक पटकको प्रयास पछि गीतको धुन तयार भयो ।

प्रसादका लेखक हुन शुशिल पौडेल । उनले लेखेको स्कृप्टमाथी निर्देशक दिनेश राउतले काम गर्दै थिए । स्कृप्टमा काम गर्दै जाँदा एउटा यस्तो गीतको आवश्यकता महशुस भयो, जसले कथा बोक्न सकोस् । गणेश प्रसादका सहायक निर्देशक हुन । त्यसैले एक बसाईमा निर्देशक दिनेशले गणेशलाई आफ्नो दिमाखमा आइरेको कन्सेप्ट सुनाए, अनि गीत लेख्न भने ।

Dinesh Raut

Know more about 'Dinesh Raut'

दिनेशसँगको त्यो बसाईपछि गणेशले गीत लेखे । तर, दिनेशले चित्त बुझाएनन् । पहिलो पटक गणेशले लेखेका शव्दबाट फाइनल भयो त केबल लै.. लै.. भन्ने शव्द मात्र ।

तर, गणेशले हार खाएनन् । फेरी गीत लेखे । त्यो पनि फाइनल भएन् बरु पहिले जस्तै अर्को एक लाइन मात्र मन पाराए निर्देशकले । यो क्रम केही समय चलिरह्यो । झण्डै १० वटा ड्राफ्ट तयार गरे गणेशले । अनि बल्ल दिनेशको मन छोयो । शव्द फाइन भयो । हामीलाई कुरा सुनाईरहँदा दिनेश र गणेशसँगै थिए । दुवैको मुहारमा आत्मसन्तुष्टिको भाव झल्किन्थ्यो । सायद आफ्नो गीतलाई सुन्नेहरु धेरैले रुचाएकोले होला ।

Ganesh Shahi

Know more about 'Ganesh Shahi'

गीतकारको मात्र होइन संगीतकारको कुरा पनि यस्तै छ । गणेशका शव्दमा धुन भर्ने जिम्मा पाए सुवासले । उनी संगीत सृजनाको क्रममा निर्माण कम्पनी सुभाष थापा प्रोडक्सनको अफिसमै पुग्थे । त्यही निर्देशक दिनेशका साथ गीतार बजाएर धुन निकाल्थे । तर, जति कम्पोज तयार गरेपनि निर्देशकको चित्त बुझेन । सुवासले झण्डै १० पटकसम्म यसको कम्पोज तयार गरे । तर, निर्देशकको चित्त बुझ्दै बुझेन । एकदिन सुवासले भनेछन्, सायद हजुरले भनेजस्तो संगीत मैले गर्न सक्दिन होला । सुवासले पनि हामीलाई यो कुरा दिनेशकै अघि सुनाइरहेका थिए । भन्दै थिए मैले त हात उठाइसकेको थिए तर, उहाँले (निर्देशक दिनेश) मलाई सम्झाएरै काम गराउनु भयो । मैले फेरी मेहनत गरे । १३–१४ पटकको कोशिस पछि मात्र कम्पोज फाइनल भयो ।

केही उत्साहित देखिएका सुवासले विगत सम्झे । दिनेशले १० पटक सम्म आफ्नो कम्पोज रिजेक्ट गर्दा उनलाई लागेछ – ‘म पनि त एकदशक संगीतमै विताएको मान्छे हुँ । सोलो एल्बम बजारमा आइसकेको अनि केही चलचित्रमा संगीत दिएकै संगीतकार हुँ । कतै मलाई तैले केही जान्दैनस् भन्दै मेरो डिमोसन गर्नका लागि त दिनेशले कम्पोज रिजेक्ट गरिरहेका छैनन् ।’ यही सोचेर रहेछ उनले मैले काम गर्न सक्दिन भनेर हात उठाएको । उनले यो रहस्य खोल्दै गर्दा दिनेशको अनुहारमा अचम्मको भाव देखियो । सायद संगीतकारले गलत बुझेछन् भनेर होला । उनलाई त सुवास माथी विश्वास थियो, तै पनि सोचे जस्तो कम्पोज अझै पाइरहेका थिएनन् । त्यसैले सुवासलाई थप मेहनत गर्न लगाएका रहेछन् । हामीलाई गीतको कथा सुनाउँदै गर्दा सुवासको मनमा रहेको कुरा पनि क्लियर हुने मौका मिल्यो ।

Subash Bhusal

Know more about 'Subash Bhusal'

त्यसो त जब गीत रिलिज भयो तब सुवासले सोचेछन् मलाई पटक पटक कम्पोज गर्न लगाएको त राम्रो कामका लागि नै रहेछ । अहिले उनलाई लाग्छ सायद पहिलो, दोस्रो कम्पोज नै ओके भएको भए यतिको सफलता मिल्ने थिएन होला । उनले अहिले सम्म एउटा गीतलाई बढीमा ३ पटक सम्म कम्पोज गर्ने गरेका रहेछन् । तर, यो गीतले पाएको प्रतिक्रिया पछि उनलाई लागेको छ जति पटक कम्पोज गर्न परेपनि हार खानु हुन्न, राम्रो कामका लागि ।

गीत सार्वजनिक भएपछि सबैतिर यसको चर्चा चल्यो । सुवासलाई पनि धेरैले बधाई दिए । गीत रुचाइयो । सवारी दुर्घटनामा परेर खुट्टा भाचिएका कारण उनी घरमै रेष्ट गरिरहेका थिए । प्लास्टर त खोलिएको थियो तर हिडडुल गरेका थिएनन् । यसपटक भने उनको मन मानेन् । सामाखुशी बस्ने सुवास नक्सालमा रहेको अफिस आइपुगे । त्यो पनि लड्डु बोकेर । पहिलो लड्डु दिनेशलाई नै खुवाए ।

सुवासले कम्पोज तयार गरेपछि एरेन्जका लागि उदयराज पौडेललाई दिए । पौडेलले एरेन्ज त गरे तर बाजाको सही प्रयोग गर्नबाट चुके । बाजाको छनौट उपयुक्त लागेन । त्यसैले संगीतकार र निर्देशकले उनले प्रयोग गरेको एउटा बाजाको धुन हटाउने निर्णय लिए । त्यो बाजाको धुन हटाएर सारङ्गीको लाइभ धुन भरे । त्यही सारङ्गी धुनले गीतलाई जीवन्त बनायो ।

Ketan Chhetri

Know more about 'Ketan Chhetri'

गीतको ट्रयाक तयार भएपछि केतन क्षेत्रीलाई स्वर दिन भनियो । शुरुमा केतनलाई आफुले यो गीत गाउन सक्दिन की भन्ने लागेछ । फरक जनराका गीत गाइरहेका केतनलाई निकै च्यालेञ्जिङ्ग पनि लाग्यो । उनले झण्डै एक हप्ता घरमै बसेर अभ्यास गरे । एक हप्ताको अभ्यास पछि उनी गीत गाउन तयार भए । गीत रेकर्ड गरियो । ओके भयो । तर, केतन, दिनेश र सुवासले गीत सुनेपछि एक स्केल बढाएर पुनः रेकर्ड गर्ने निर्णय लिएछन् । गीत फेरी रेकर्ड गरियो । शुरुमा केतनलाई च्यालेञ्जिङ्ग लागेको गीतले अब भने उत्साह थपिरहेको थियो । तर, कस्तो हुने हो । आफ्नो स्वर यो जनराको गीतमा रुचाइन्छ वा रुचाइदैन भन्ने डर पनि थियो । गीत रिलिज भयो धेरैले केतनको स्वरको फ्यान भएको भन्दै प्रतिक्रिया दिए । अहिले पाश्र्व गायनमा केतनलाई अफरहरु निकै आउन थालेको छ । तर, आफ्नो स्वरलाई फिट हुने गीतमात्र गाउने सोच छ उनको । त्यसमाथी कम्पोज मन पर्नुपर्ने बताउँछन् ।

यसरी गीत तयार भयो । तर, शुरुमै यो गीत सार्वजनिक गर्ने कुरा थिएन । चलचित्रमै समाबेश अर्को गीत रिलिजको अन्तिम तयारी थियो । त्यसैबेला निर्देशकको सोच एकाएक बद्लियो । उनलाई लागेछ आफ्ना चलचित्रका अक्सर गीतहरुले कथा बोकेका हुन्छन् । त्यसैले यसपटक पनि शुरुमा त्यस्तै गीत सार्वजनिक गर्नुपर्छ । उनले यसो भनिरहदा हामीले जान्न खोज्यौं त्यसो भए अर्को गीतले कथा बोक्दैन ? उनले थपे अर्को गीत कथाको माग हो, सिच्युयसनमा फिट छ । तर, लै... लै... ले जस्तो चलचित्रको पुरा कथा बोक्दैन । आफु चलचित्रको कथा बोक्ने गीत सार्वजनिकको निर्णयमा पुगेपछि शुरुमा उनले निर्माता सुभाष थापासँग कुरा गरेछन् । निर्माता, निर्देशको सल्लाह भएछ, अनि उनीहरु निर्णयमा पुगेछन् पहिला लै.. लै... नै सार्वजनिक गर्ने ।

Shuvash Thapa

Know more about 'Shuvash Thapa'

यो कुरा सुनाइरहँदा निर्माता सुभास थापाले आफु टिममा विश्वास गर्ने भएकोले टिमको निर्णयमा नै लै... लै... सार्वजनिक गरिएको बताए । यो गीत धेरैले रुचाएसँगै अहिले चलचित्र प्रतिक्षित बनिरहेको छ । विदेशबाट चलचित्रको चर्को माग भइरहेको छ । राम्रो चलचित्र बनाऊ भन्ने सोच राख्ने सुभाष प्राप्त प्रतिक्रियाले उत्साहित छन् ।

अहिले चलचित्रको सम्पादन भइरहेको छ । गीतको सफलतासँगै दर्शकहरुमा चलचित्र प्रतिको अपेक्षा पनि बढीरहेको छ । जसका कारण निर्माण टिम माथी दर्शकको अपेक्षा अनुरुप चलचित्र बनाउँन दबाब बढीरहेको छ । सायद यो कुरा निर्देशकले बुझेकै होलान ।

Bishnu Subedi

Know more about 'Bishnu Subedi'

विपिन कार्की, नम्रता श्रेष्ठ, निश्चल बस्नेतलगायतका कलाकार अभिनित चलचित्र प्रसाद मंसिर २१ गतेबाट प्रदर्शन हुँदैछ । चलचित्रको बारेमा विस्तृत जानकारी लिन चाहनुहुन्छ भने यहाँ क्लिक गर्नुहोला ।

Prasad

Know more about Nepali Movie 'Prasad'