श्रीलंकामा सम्पन्न ‘नवौं सार्क फिल्म फेष्टिवल’मा अभिनेत्री स्वस्तिमा खड्काले अवार्ड हात पारेकी छिन । स्वस्तिमाले चलचित्र ‘बुलबुल’का लागि निभाएको ‘रणकला’को भुमिकाका लागि ‘स्पेशल जुरी अवार्ड’ प्राप्त गरेकी हुन् । यो स्वस्तिमाको पहिलो फिल्म अवार्ड हो ।

Swastima Khadka

Know more about 'Swastima Khadka'

श्रीलंकाको नेशनल फिल्म कर्पोरेशनमा जुलाई २ बाट शुरु भएको भएको फेष्टिवल आइतबार सम्पन्न भएको हो । फेष्टिवलमा सार्क राष्ट्रका चलचित्रहरुको सहभागिता रहेको छ । ३५ चलचित्रको सहभागिता रहेको फेष्टिबलमा नेपालबाट ‘प्रसाद’ र ‘बुलबुल’ प्रतियोगी र ‘हरि’ अप्रतियोगी चलचित्रका रुपमा प्रदर्शन गरिएका थिए । कार्यक्रममा सहभागी हुन स्वस्तिमा जुलाई १ मा श्रीलंका गएकी थिइन ।

यस अघि सन् २०१४ मा सम्पन्न ‘सार्क फिल्म फेस्टिबल’मा चलचित्र ‘झोला’बाट गरिमा पन्तले सर्वोत्कृष्ट नायिका र फेस्टिबलमै दोस्रो बन्दै चलचित्र ‘साँघुरो’का निर्देशक जोएस पाण्डेले ‘सिल्भर मेडल’ प्राप्त गरेका थिए । यस्तै २०१७ मा भूपेन्द्र अधिकारीले चलचित्र ‘डाइङ क्यान्डल’ बाट उत्कृष्ट सम्पादकको अवार्ड जितेका थिए भने, ‘कालो पोथी’ ले उत्कृष्ट फिल्म ओपन अवार्ड प्राप्त गरेको थियो ।

यस्तै सर्ट फिल्म बिधा तर्फ नेपालबाट सहभागी ‘द मून इज ब्राइट टुनाइन’ (The Moon is Bright Tonight) ले विशेष प्रोत्साहन अवार्ड प्राप्त गरेको छ ।