चैत ३० गते रिलिज हुने दयाहाङ राई स्टारर चलचित्र ‘डिग्री माइला’ले गफाडी प्रतियोगिता घोषणा गरेको छ । निर्माण पक्षले चलचित्रको शिर्ष पात्र ‘डिग्री माइला‘ पात्र बनेर आफ्नै बारेमा गफ दिएर भिडियो पठाउन आव्हान गर्दै सर्वोत्कृष्ट हुनेलाई अनर ब्राण्डका मोबाइल पुरस्कार दिने घोषणा गरेको छ ।

घोषणा अनुसार प्रतियोगितामा भाग लिने प्रतियोगीले ‘डिग्री माइला’ पात्र बनेर आफ्नै गफ दिदैं भिडियो बनाउनुपर्नेछ । सो भिडियो अधिक्त्तम ३ मिनेट सम्मको हुनुपर्नेछ ।

यस्तै कम्पनीको बासुरी फिल्मस् नामक यूट्यूब च्यानलसमेत सस्क्राइब गरेको हुनुका साथै पोस्ट गरिएको भिडियोमा ‘डिग्री माइला‘ चलचित्रको नाम र रिलिज मिति लेखिएको हुनुपर्नेछ ।

सहभागी हुने प्रतियोगीले निम्न ह्यासट्याग प्रयोग गर्नुपर्नेछ ।

#DailogueCompetition #DegreeMaila #Chaitra30

यसरी बनाइएको भिडियोलाई चलचित्रको निर्माण गर्ने कम्पनी बासुरी फिल्मस्लाई ट्याग गर्दै फेसबुकमा पोस्ट गर्नुका साथै degreemaila.movie@gmail.com मा इमेल गर्नुपर्नेछ ।

प्रतियोगीले चैत २७ गतेसम्म आफ्नो भिडियो माथि उल्लेखित सर्तहरु पूरा गर्दै पोस्ट गरिसक्नुपर्नेछ ।

यस प्रतियोगिताका विजेताले अनर मोबाइलको ‘एक्स नाइन बि फाइभजी‘ पुरस्कारस्वरुप पाउनेछन् भने दोश्रो र तरेश्रो हुनेले क्रमश: ‘एक्स एट बि‘ तथा ‘एक्स सेभेन बि‘ मोडलको मोबाइल प्राप्त गर्नेछन् । यसका अलावा सन्त्वना पुरस्कारस्वरुप चलचित्रको ५० वटा टिकट प्रदान गरिनेछ ।

रामबाबु गुरुङ निर्देशित चलचित्रमा दयाका अलवा आँचल शर्मा, प्रकाश घिमिरे, माओत्से गुरुङ, बुद्धि तामाङ, विजय बराल आदिकोअभिनय रहेको छ ।