Hijo Aajaka Kura

Feature Film Family DramaOct 14, 2022Hall Release

News

‘हिजो आजका कुरा’को ‘परदेश’ सार्वजनिक

लेन्सनेपाल २०७९ भाद्र १७

चलचित्र ‘हिजो आजका कुरा’मा समावेश ‘परदेश’ बोलको गीत सार्वजनिक गरिएको छ । वियोगान्त भावको गीतमा हर्कुलस बस्नेतको स्वर तथा संगीत छ भने एकतारे र निर्देशक पन्तको शब्द रहेको छ । साकार पन्तको डेब्यू निर्देशन रहेको चलचित्रको सार्वजनिक गीतमा परदेश र नेपालमा बस्ने परिवारको कथालाई देखाइएको छ ।

करीब १८ वर्षसम्म नेपाल टेलिभिजनमा प्रशारण भएको सन्तोष पन्त र रमा थपलिया अभिनीत चर्चित टेलिसिरियल ‘हिजो आजका कुरा’कै नाममा सन्तोष पन्तकै कम्पनीले चलचित्र निर्माण गरेको हो ।

असोज २८ गतेबाट प्रदर्शनमा आउने चलचित्रले चार परिवारको पारिवारिक समस्या, संघर्ष र आतुरतासँगै विदेशिनु पर्ने बाध्यताको कथा भनेको छ । चलचित्रमा
सन्तोष र रमासँगै केकी अधिकारी, दिव्य देव, साकार पन्त, ऋचा शर्मा, रीमा विश्वकर्मा, जेविका कार्की, रमेश अधिकारी, जयनन्द लामा, अनुष्का घिमिरे, विनायक कुइकेललगायतको अभिनय रहेको छ ।

चलचित्रमा प्रतिभा पन्त कार्यकारी निर्माता, सन्तोष पन्त र सकार पन्त निर्माता र बैकुण्ठ प्रसाद उपाध्याय र कुमार मिश्र सहनिर्मातामा छन् ।