Ma Yesto Geet Gauchhu 2

Feature Film Love StoryFeb 25, 2022Hall Release

News

‘म यस्तो गीत गाउँछु २’ को प्रदर्शन स्थगित

लेन्सनेपाल २०७६ फागुन २३

चलचित्र ‘म यस्तो गीत गाउँछु २’ को प्रदर्शन स्थगित भएको छ । शुक्रवार निर्माण कम्पनी सुदर्शन थापा प्रोडक्सनले एक विज्ञप्ती जारी गर्दै कोरोना भाइरसको त्रासका कारण चलचित्रको प्रदर्शन स्थगित गरिएको जानकारी दिएको हो ।

फागुन ३० गतेबाट प्रदर्शनमा आउने भनिएको चलचित्रको नयाँ प्रदर्शन मिति भने घोषणा गरिएको छैन । कोरोना भाइरसको जोखिम न्यूनिकरणका लागि चलचित्रको प्रदर्शन रोकिएको विज्ञप्तीमा उल्लेख छ । कोरोनाबाट बच्नका लागि जिल्ला प्रशासनले आवश्यक कामबाहेक बाहिर ननिस्कन, भीडभाडमा नजान र धेरै मानिस भेला हुने कार्यक्रम नगर्न सूचना जारी गरेको र नेपाल चलचित्र निर्माता संघले समेत सम्भव भएसम्म छायांकन रोक्न सूचना जारी गरेको अवस्थामा कोरोना भाइरसबाट कसैलाई असर नहोस् भन्नका लागि प्रदर्शन रोकिएको जारी विज्ञप्तीमा उल्लेख छ ।

सुर्दशन थापाको निर्देशन रहेको चलचित्रमा पल शाह, पूजा शर्मा, हरिहर शर्मा, दिनेश डिसी, राजा राजेन्द्र पोखरेल, सोनिका रोकायलगायतका कलाकारको अभिनय रहेको छ ।

नायिका पूजा र निर्देशक सुदर्शनको लगानीमा बनेको चलचित्रमा निर्देशक सुदर्शनको कथा, शिवम अधिकारी र दिनेश न्यौपानेको लेखन, सौरभ लामाको छायांकन, बनिष शाह र मिलन श्रेष्ठले सम्पादन र अर्जुन पोखरेलको संगीत रहेको छ ।