Nango Gaun

Feature Film Political DramaSep 15, 2023Hall Release

News

‘नाङ्गो गाउँ’को दोस्रो गीत ‘सुन सुन सुन्दरी’ सार्वजनिक

लेन्सनेपाल २०८० भाद्र १९

भदौ २९ गतेबाट प्रदर्शनमा आउने चलचित्र ‘नाङ्गो गाउँ’को दोस्रो गीत ‘सुन सुन सुन्दरी’ सार्वजनिक गरिएको छ । सार्वजनिक गीतमा सुष्मा सिग्देलको शब्द, सुशान्त गौतमको संगीत र अञ्जु पन्त र एसडी योगीको स्वर छ । रामजी लामिछानेको नृत्य निर्देशन रहेको गीतमा अभिनेता दयाहाङ राई र अभिनेत्री मिरुना मगर रोमान्टिक अवतारमा प्रस्तुत छन् ।

दीपेन्द्र लामाद्वारा निर्देशित चलचित्रमा शिशिर वाङ्देल, साम्राज्ञी आरएल शाह, कार्म, वुद्दि तामाङ, रविन्द्र झा, विशाल पहारी, कमलमणि नेपाल, अंकित खड्का, पुष्कर गुरुङको पनि अभिनय रहेको छ । एसडी योगी र दीपक शर्माको संगीत रहेको चलचित्रमा आलोक शुक्लाको छायांकन र बनिष शाहको सम्पादन छ । दीपेन्द्र लामा स्वयंको कथा, पटकथा र संवाद लेखन रहेको चलचित्रका निर्माता जय श्रेष्ठ, प्रस्तुतकर्ता हिमाल कडरिया (शर्मा) र कार्यकारी निर्माता रामहरि श्रेष्ठ हुन् ।

राजनीति विषयमा केन्द्रित ‘नाङ्गो गाउँ’ पछिल्लो समयको आशातित चलचित्र हो ।