चलचित्र ‘पशुपति प्रसाद’को फ्रेञ्चाइज सिक्वेल ‘भष्मे डन’ निर्माणको आधिकारिक घोषणा गरिएको छ । ‘पशुपति प्रसाद’ रिलिजको ७ वर्षको अवसरमा आइतबार राजधानीमा आयोजित कार्यक्रमका बिच सिक्केल निर्माणको घोषणा गरिएको हो । कार्यक्रममा चलचित्रको कास्ट एण्ड क्रु र रिलिज डेटपनि सार्वजनिक गरिएको छ ।

दिपेन्द्र के. खनालको निर्देशन रहने चलचित्रमा विपिन कार्की, सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगर, विभू पौडेल, प्रकाश दाहाललगायतका कलाकारको अभिनय रहनेछ । फागुन मध्यदेखि छायांकनमा जाने चलचित्रको प्रदर्शशन मिति २०८० सालको दशैँलाई तोकिएको छ ।

आज भन्दा ७ वर्ष अगाडी रिलिज भएको ‘पशुपति प्रसाद’ व्यावसायिक र समिक्षात्मक रुपमा अब्बल सावित भएको थियो । सिक्वेलमा अभिनेता खगेन्द्र लामिछानेको लेखन र निर्माण रहने छ । चलचित्रको शिर्ष भूमिकामा विपिनले अभिनय गर्नेछन् । उनि ‘पशुपति प्रसाद’को लोकप्रिय पात्र ‘भष्मे डन’ हुन् ।

चलचित्रमा कृष्ण भारद्वाज र सुवास भुषालको संगीत, निरज कँडेलको डिओपी, कृष्ण थापाको छायांकन, शंकर पाण्डेको प्रोडक्सन डिजाइन, रोहितराज गौतमको मुख्य सहायक निर्देशन, संजोग रसाइलीको सहायक निर्देशन र दिर्घ खड्काको सम्पादन रहनेछ ।