Password

Feature Film Sep 13, 2019Hall Release

News

सन्निको नजरमा ‘नेपाल’ विश्वकै सुन्दर देश

लेन्सनेपाल २०७६ भाद्र २७
सन्निको नजरमा ‘नेपाल’ विश्वकै सुन्दर देश

बलिउड अभिनेत्री सन्नी लियोनीले नेपालमा पाएको न्यायो आतिथ्यताले आफूलाई आनन्दित तुल्याएको बताएकी छिन् । नेपाल आफूलाई संसारकै सबैभन्दा मनपर्ने देश रहेको भन्दै उनले नेपाल आउन पाउँदा निकै खुसी लागेको जनाइन ।

बिहिबार साँझ राजधानीको कुमारी हलमा आयोजना गरिएको चलचित्र ‘पासवर्ड’को रेडकार्पेट प्रिमियर शोमा उपस्थित सन्निले सञ्चारकर्मीमाझ यस्तो बताएकी हुन् । यसअघि विभिन्न कार्यक्रमको दौरान नेपाल आएकी सन्नि यसपटक भने आफैले बिशेष भुमिकामा काम गरेको चलचित्र ‘पासवर्ड’ को प्रिमियरका लागि नेपाल आएकी हुन् ।

साँझ ६ बजेका लागि पत्रकार र कलाकारलाई प्रिमियरमा डाकिएको थियो । पूर्व निर्धारित समय तालिका अनुसार सन्निले ७ बजे रेडकार्पेटमा वाक गर्नुपर्ने थियो । तर, सन्नि नेपाल आउन २ घण्टा डिले हुँदा प्रिमियर पनि केही डिले भएको थियो । सन्नि ८ बजे पछि मात्र कार्यक्रम स्थलमा आइपुगेकी थिइन । नेपाल प्रहरीको कडा सुरक्षाका बिच बडिगार्ड सहित उनी प्रिमियरमा उपस्थित भएकी थिइन । केही फितलो व्यवस्थापनका कारण निम्तालु पत्रकार र कलाकार बाहेक सन्निलाई हेर्न जम्मा भएको पव्लिकले समेत रेडकार्पेट सम्म सहज प्रवेश पाएका थिए । जसका कारण कार्यक्रम स्थलमा केही भिड देखिएको थियो । त्यसबाहेक सन्निसँग तस्विर खिच्न एकाध उच्छृखल व्यक्तिहरु स्टेज सम्मै पुगेपछि सन्निले आश्चर्य व्यक्त गरेकी थिइन । भिड भन्दा पनि उपस्थित केही व्यक्तिहरुको शैलीका कारण सन्निले आश्चर्य प्रकट गरेको इभेण्ट होस्ट गरिरहेकी सन्ध्या थापाले बताइन ।

झण्डै १० मिनेट स्टेजमा रहेकी सन्निले नेपाली चलचित्रमा काम गर्न पाएकोमा खुशी व्यक्त गरिन । सन्निले चलचित्रमा समावेश ‘आजको शाम’ बोलको गीतमा नृत्य प्रस्तुत गरेकी छिन । नेपाली गीतको लिप्सीङ गर्न कति सहज भयो भन्ने आशयको जिज्ञाशा राख्दा सन्निले उक्त गीत निकै राम्रो रहेको र धेरैपटक सुनेको बताइन् । पटक पटक गीत सुनेका कारण आफुलाई लिप्सिङ गर्न कठिनाई नभएको उनको भनाई छ । उनले चलचित्रलाई दर्शकले मन पराउने विश्वास समेत व्यक्त गरिन ।

रेडकार्पेट इभेण्ट पछि सन्नि चलचित्र हेर्न हल प्रवेश गरेपनि पुरा समय हलमा बसिनन् । एक विशेष काम रहेको भन्दै उनी करीब आधा घण्टामै हलबाट बाहिरिएकी थिइन् । चलचित्र ‘पासवर्ड’ शुक्रबारबाट प्रदर्शनमा आएको छ ।