Password

Feature Film Sep 13, 2019Hall Release

News

नेपाल आउँदै बलिउड अभिनेत्री सन्नी लियोनी

लेन्सनेपाल २०७६ भाद्र २५
नेपाल आउँदै बलिउड अभिनेत्री सन्नी लियोनी

चलचित्र ‘पासवर्ड’को प्रिमियरका लागि बलिउड अभिनेत्री सन्नी लियोनी बिहिबार नेपाल आइपुग्ने भएकी छिन । विहिबार दिउँसो २ बजे त्रिभुवन अन्तर्राष्ट्रिय विमानस्थलमा सन्नी अवतरण हुने निर्माण टिमले जनाएको छ ।

चलचित्रमा बिशेष भुमिकामा काम गरेकी सन्नि विहिबार साँझ ७ः३० बजे राजधानीको कुमारी हलमा आयोजना हुने रेड कार्पेट प्रिमियरमा सहभागी हुनेछिन । उक्त अवसरमा उनले मिडिया साक्षात्कार पनि गर्ने जनाइएको छ ।

प्रिमियर पश्चात उनि हायात रिजेन्सिमा बस्ने तय भएको छ । शनिबार भारत फर्किने सन्नीले शुक्रबार नेपालका केहि स्थानमा भ्रमण गर्ने ‘पासवर्ड’ टिमले बताएको छ । 

चलचित्रमा अनुपविक्रम शाही, विक्रम जोशी, सन्नी लियोनी, बुद्दि तामाङ, रविन्द्र झा, प्रविण खतिवडा, धिरेन शाक्य, लिजा सुनार, परि राना, छुल्ठिम गुरुङ, एभरेस्ट सुर्य बोहरालगायतका कलाकारको अभिनय छ ।

सम्राट बस्नेतको निर्देशन रहेको चलचित्रमा अर्जुन पोखरेलको संगीत, सम्राट बस्नेतकै एक्सन, अमरजीत सिंहको छायाँकन र सौरभ लामाको डिओपी छ । निर्देशक बस्नेत र महेश दवाडीको पटकथा रहेको चलचित्रको कथा सिमा गुरुङले लेखेकी छन् ।

अंकित गौतम कार्यकारी निर्माता रहेको चलचित्रमा निर्माताको रुपमा अमित बस्नेत र हिराल जोशी रहेका छन् । यस्तै युकेको लागि कार्यकारी निर्माता मोहित छब्रा, अजित के आर थापा सह निर्माता र सनिश खकुरेल लाइन प्रोड्युसर हन् ।