पछिल्लो समय चर्चामा छ चलचित्र ‘प्रकाश’ । चलचित्रको फष्ट लुक रिलिज पछि नै यसको चर्चा निरन्तर भइरहेको छ । जुम्लाको परिबेशमा छायाँकन भएको चलचित्र भाद्र १० गतेबाट देशभर रिलिज हुँदैछ ।

यसअघि लभ स्टोरी चलचित्रमा फिट देखिएका नायक प्रदिप खड्का यो चलचित्रमा भिन्न अवतारमा प्रस्तुत भएका छन् । शिक्षक बन्ने लक्ष्यका साथ अघि बढिरहेको एक जुम्लाको युवकको भुमिकामा उनले अभिनय गरेका छन् ।

‘प्रकाश’का लागि प्रदिपले लामो समय अनुप बरालसँग अभिनयको कक्षा समेत लिएका थिए । अभिनयका हिसावले उनको यो ८ औं चलचित्र हो भलैं रिलिजका हिसाबले ७ औं हुँदैछ । ८ चलचित्रमा काम गरिसकेका प्रदिपले ‘प्रकाश’का लागि २ पटक अडिसन दिएका थिए । पहिलो पटक अडिसन दिएर अभिनय सिक्न गएका प्रदिप दोस्रो अडिसनबाट चलचित्रका लागि छनौट भएका थिए ।

उनै प्रदिप आफ्नो क्यारेक्टरका लागि न्याय दिन काठमाडौंको सडकमा खालि खुट्टा समेत हिडेका थिए । चलचित्र छायाँकनमा जानु अघि काठमाडौंको अनमानगरमा चलचित्रको वर्कशप गरिएको थियो । प्रदिप ललितपुर निवासी हुन् । उनी एकान्तकुना हुँदै अनामनगर सम्म आउँथे । हालै एक अन्र्तवार्तामा प्रदिपका गुरु अनुप बरालले प्रदिप चलचित्रको क्यारेक्टरमा फिट हुन एकान्तकुनादेखि अनामनगरसम्म खालि खुट्टा आउने गरेको बताएका छन् । आफ्नो क्यारेक्टरमा विविधता दिन खोज्ने कलाकारका रुपमा प्रदिपलाई लिएका अनुपले उनले कामले आफुलाई प्रुफ गरेको बताएका छन् । चलचित्रमा प्रदिपको क्यारेक्टर खालि खुट्टामा हिड्नु पर्ने थियो । त्यसैले अनुपले प्रदिपलाई क्यारेक्टरमा ढाल्न खालि खुट्टामा नै एकान्त कुनाबाट अनामनगरसम्म हिड्न भनेका थिए । प्रदिपले पनि अनुपको कुरा माने उनी मुखमा मास्क लगाएर खालि खुट्टा हिडे ।

प्रदिपलाई अभिनयको कक्षा लिदा होस् वा वर्कशप गराउदा नै किन नहोस् अनुप उनीबाट प्रभावित भए । त्यसैले त होला अचेल भन्ने गर्छन एउटा कलाकारले चाह्यो भने गर्न सक्ने रहेछ भन्ने प्रदिपले वकाम बाटै प्रमाणित गरेको छ ।

दिनेश राउत निर्देशति चलचित्रमा प्रदिपका अलवा दिया मास्के, रेणु योगी, प्रकाश घिमिरेलगायतका कलाकारको पनि मुख्य भुमिका रहेको छ । महेन्द्र अधिकारीको निर्माण रहेको चलचित्रलाई बिकास सुबेदीले लेखेका हुन् ।