Prakash

120 mins Feature Film Social DramaAug 26, 2022Hall Release

News

सबैले हेर्न पाउने ‘प्रकाश’, सेन्सरले दियो ‘यू’ सर्टिफिकेट

लेन्सनेपाल २०७९ भाद्र ६

भाद्र १० गतेबाट प्रदर्शन हुने चलचित्र ‘प्रकाश’को सेन्सर सम्पन्न भएको छ । आइतबार सेन्सर बोर्डका पदाधीकारीहरुले चलचित्र हेरेपछि ‘प्रकाश’लाई ‘यूनिभर्सल’ सर्टिफिकेट दिएका छन् । कुनै पनि दृष्य र सम्बाद काटछाँट नगरि सेन्सरले ‘यू’ सर्टिफिकेट दिएसँगै अब हरेक उमेरका दर्शकहरुले वचलचित्र हेर्न सक्नेछन् ।

चलचित्रले शिक्षक बन्न एक युवाले गर्ने संघर्षको कथा भनेको छ । मुख्य पात्रका माध्यमबाट बर्गिय विभेदको कुरा पनि उठाइएको छ । दिनेश राउत निर्देशित चलचित्र हेरेपछि सेन्सर बोर्डका सदस्यहरुले खुलेरै चलचित्रको तारिफ गरेको बुझिएको छ । चलचित्रमा प्रदिप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायतका कलाकारको अभिनय रहेको छ । बिकास सुबेदीको लेखन रहेको चलचित्र यतिबेलाको बहुप्रतिक्षित चलचित्र हो ।

चलचित्रमा राजेश श्रेष्ठको छायाँकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत, उत्तम न्यौपानेको साउण्ड डिजाइन र शैलेश श्रेष्ठको पाश्र्व संगीत रहेको छ । महेन्द्र अधिकारी निर्माता रहेको चलचित्रलाई आरआर फिल्मस्का रोहित कट्टेल र रत्न श्रेष्ठले वितरण गर्दैछन् ।