Prasad

PG 130 mins Feature Film Drama, SocialDec 07, 2018Hall Release

News

विक्रमको पहिलो गीत ‘प्रसाद’को ‘क्यारी बाचम्ला’ सार्वजनिक

लेन्सनेपाल २०७५ पौष १

दोस्रो सातामा पनि उत्साहजनक व्यापार गरिरहेको चलचित्र ‘प्रसाद’को तेस्रो गीत सार्वजनिक गरिएको छ । नेपाल आइडलका फाइनलिष्ट बिक्रम बरालको स्वरमा रहेको ‘बरै क्यारी बाँचौंला...’ बोलको गीत शनिबार सार्वजनिक गरिएको हो । गीतमा सुवास भुषालको शव्द र संगीत रहेको छ ।

गीत चलचित्रमा पाश्र्वसंगीतका रुपमा प्रयोग गरिएको छ । सार्वजनिक भिडियोमा दम्पतिको जीवनको उतार चढावलार्इ देखाइएको छ । दम्पतिका रुपमा अभिनेता विपिन कार्की र अभिनेत्री नम्रता श्रेष्ठले अभिनय गरेका छन् । उनीहरुका अलवा चलचित्रमा निश्चल बस्नेतको पनि मुख्य भुमिका रहेको छ ।

निःसन्तान दाम्पतीको कथाव्यथा समेटिएको चलचित्रमा यो गीतले कथा बोकेको छ । कथाको मर्म अनुसार गीतलार्इ प्रयोग गरिएको छ । प्रदर्शनको पहिलो सातामा २ करोड बढीको ग्रस विजनेश गरेको चलचित्रले दर्शकबाट सकारात्मक प्रतिक्रिया पाइरहेको छ । चलचित्रकर्मीहरुबाट उत्साहजनक प्रतिक्रिया पाइरहेको चलचित्रलाई समीक्षकहरुले समेत उत्कृष्ट भनेका छन् । दिनेश राउत निर्देशित चलचित्रलाई सुभाष थापाले निर्माण गरेका हुन । चलचित्रलाई पत्रकार सुशील पौडेलले लेखेका हुन् ।