Rato Tika Nidharma

Feature Film Love StorySep 27, 2019Hall Release

News

असोज १० मा प्रदर्शन हुने भो ‘रातो टिका निधारमा’

लेन्सनेपाल २०७६ श्रावन २६
असोज १० मा प्रदर्शन हुने भो ‘रातो टिका निधारमा’

अन्ततः चलचित्र ‘रातो टिका निधारमा’ले आधिकारिक रुपमा प्रदर्शन मिति घोषणा गरेको छ । यसअघि दशैंको अवसरमा प्रदर्शन हुने भनिए पनि मिति भने तय थिएन । अब भने यो चलचित्र असोज १० गते प्रदर्शन हुने पक्का भएको हो । असोज १२ गते आइतबार घटस्थापना हो । घटस्थापनासँगै नेपाली हिन्दु धर्मालम्बीहरुको महान चाड दशैँ सुरु हुन्छ ।

अशोक शर्मा निर्देशित यो चलचित्र यस वर्षको प्रतिक्षित मध्येको एक हो । चलचित्रमा साम्राज्ञी राज्य लक्ष्मी शाह र अंकित शर्माको मुख्य भुमिका रहेको छ । उनीहरुका अलवा बुद्दि तामाङ, रविन्द्र झा, शिवहरि पौडेल, खुस्बु खड्का, लक्ष्मी गिरी, अरुणा कार्की, नीता ढुङ्गाना, बसुन्धरा भुसाल, जयनन्द लामा, राजराम पौडेल, कमला रेग्मीलगायतका कलाकारको पनि अभिनय रहेको छ । अंकितको यो डेब्यु चलचित्र हो ।

ए.ए ग्रुप अफ कम्पनीजबाट निर्माण भएको चलचित्रमा शम्भुजित बाँस्कोटा र कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन र राजेश शाहको भिएफएक्स छ ।