Samhalinchha Kahile Man

Feature Film Love StorySep 02, 2022Hall Release

News

‘सम्हालिन्छ कहिले मन’को शिर्ष गीत सार्वजनिक

लेन्सनेपाल २०७९ भाद्र ६

चलचित्र ‘सम्हालिन्छ कहिले मन’को शिर्ष गीत सार्वजनिक गरिएको छ । राजधानीमा आयोजित एक कार्यक्रमका बिच चलचित्रको गीत सार्वजनिक गरिएको हो । सार्वजनिक गीतमा जेम्स प्रधानको संगीत, सुयेश भट्टराईको शब्द र सुगम पोखरेलको स्वर रहेको छ ।

सुगम पोखरेलको हिट गीत ‘सम्हालिन्छ कहिले मन’बाटै चलचित्रको नाम जुराइएका कारण सोही गीतको रिमेक भर्सनलाई चलचित्रमा समावेश गरिएको छ । सुदर्शन थापा निर्देशित चलचित्र भाद्र १७ गतेबाट प्रदर्शन हुँदैछ । चलचित्रमा पूजा शर्मा, आकाश श्रेष्ठ, सोनम तोप्देन, सरोज खनाल, गौरी मल्ल, धिरेन शाक्यलगायतको अभिनय रहेको छ । त्रिकोणात्मक प्रेमकथामा आधारित चलचित्रमा सोनमले पूजालाई, पूजाले आकाशलाई पछ्याईरहेको देख्न सकिन्छ ।

महेश दवाडीको लेखन रहेको चलचित्रमा शौरभ लामाको छायाँकन, अर्जुन पोखरेल, ताराप्रकाश लिम्बु र जेम्स प्रधानको संगीत, कविराज गहतराजको कोरियोग्राफी र अर्जुन जिसीको सम्पादन छ ।

एबी इन्टरनेशनलको प्रस्तुति रहेको चलचित्रमा अमित बस्नेत, अजित केआर थापा र परी रानाको लगानी छ ।