चलचित्र ‘तिम्रो मेरो साथ’को शिर्ष गीत रिलिज गरिएको छ । प्रमोशनल टरमा रहेको निर्माण टिमले चितवनमा आयोजित पत्रकार सम्मेलनका बिच ‘झिलमिल झिलमिल’ बोलको टाइटल गीत सार्वजनिक गरेको हो ।

सार्वजनिक गीतमा चलचित्रका मुख्य कलाकारद्वय पुष्प खड्का र साम्राज्ञी राज्यलक्ष्मी शाहलाई फिचर्ड गरिएको छ । निर्देशक रमेश एमके पौडेलको शब्द रचना रहेको गीतमा योगेश काजि शाहको संगीत र सुगम पोखरेल र मेलिना राईको स्वर सुन्न सकिन्छ । सार्वजनिक गीतको कोरियोग्राफी रामजी लामिछानेले गरेका हुन् ।

गीत सार्वजनिक गर्दै चलचित्रका कलाकार र निर्देशकले दर्शकको मन जित्ने विश्वास लिएका छन् । सबिर श्रेष्ठको लेखन तथा कार्यकारी निर्माण रहेको चलचित्रमा पुष्प, साम्राज्ञी र इमिलीसंगै सन्दीप क्षेत्री, सरोज खनाल, खड्क बहादुर पुन, दिपिशा केसीलगायतका कलाकारहरुको अभिनय छ । आगामी पौष २९ गतेबाट प्रदर्शनमा आउने चलचित्रमा सबिर श्रेष्ठ र बाबुराम निरौलाको स्क्रिप्ट, शिव ढकालको छायांकन, सुवाष भुषालरयोगेश काजीको संगीत, रामजी लामिछानेको कोरियोग्राफी र भुपेन्द्र अधिकारीको सम्पादन रहेको छ ।

चलचित्रमा पासाङ लामा, अर्नव पौडेल र आर्यन पौडेलको लगानी रहेको छ । चलचित्रको सहनिर्मातामा नीरु भण्डारी, अशोक पोखरेल, सुमन पौडेल र सुधिर पराजुली रहेका छन् ।