Xira

PG 140 mins Feature Film Action, RevengeAug 23, 2019Hall Release

News

चलचित्र ‘जाइरा’को ट्रेलर सार्वजनिक

लेन्सनेपाल २०७६ श्रावन २२

चलचित्र ‘जाइरा’को ट्रेलर सार्वजनिक भएको छ । बुधबार राजधानीमा आयोजित एक कार्यक्रमका बीच सार्वजनिक गरिएको ट्रेलरले चलचित्र बदलाको कथामा केन्द्रित रहेको प्रस्ट्याउँछ ।

आशुतोष राज श्रेष्ठको निर्देशन रहेको चलचित्रमा नम्रता श्रेष्ठ, अनुप बिक्रम शाही, प्रमोद अग्रहरी, रेमन दास श्रेष्ठ, श्रृजना रेग्मी, सुजता श्रेष्ठ, सम्राट मगरलगायतका कलाकारको अभिनय रहेको छ । चलचित्रमा नम्रता मिक्स मार्शल आर्ट खेलाडीको भूमिकामा छिन् ।

चलचित्रमा निर्देशक श्रेष्ठ र निरोज महर्जनको पटकथा, बाबु श्रेष्ठको छायाँकन र लोकेश बज्राचार्यको सम्पादन रहेको छ । कटामरी फिल्मस्को ब्यानरमा निर्माण भएको चलचित्र नम्रता श्रेष्ठ प्रोडक्शन र ट्रेन्डसेटर्स प्रालिको ब्यानरमा प्रस्तुत भएको छ । चलचित्रका कार्यकारी निर्माता प्रशन्न गोपाली हुन् ।

चलचित्र भाद्र ६ गतेबाट सार्वजनिक हुँदैछ ।