‘२ नम्बरी’को ट्रेलर सार्वजनिक

लेन्सनेपाल २०७९ असोज ११

चलचित्र ‘२ नम्बरी’को ट्रेलर सार्वजनिक गरिएको छ । राजधानीमा आयोजित पत्रकार सम्मेलनका बिच चलचित्रको ट्रेलर सार्वजनिक गरिएको हो ।

कमेडी जनराको चलचित्रको ट्रेलर रमाइलो छ । चलचित्रका मुख्य कलाकारहरुले प्रशस्त स्थानमा हसाउने कोसिस गरेका छन् । कार्यक्रममा बोल्दै चलचित्रका कलाकार तथा निर्देशकले चलचित्रले दर्शकलाई निराश नबनाउने जनाएका छन् ।

दिपेन्द्र लामाको निर्देशन रहेको चलचित्रमा दयाहाङ राई, सौगात मल्ल, उपासना सिंह ठकुरी, वुद्दि तामाङ, उगेन छोदेन लगायतका कलाकारको मुख्य भूमिका छ । असोज २१ गतेबाट प्रदर्शन हुने चलचित्रलाई निर्देशक लामले नै लेखेका हुन् ।

दीपक मनाङ्गे, अमलादेवि राई र जयश श्रेष्ठको लगानी रहेको चलचित्रका कार्यकारी निर्माता सरोज नेपाली हुन् ।