‘ए मेरो हजुर ३’ को गीत ‘चिट डे’ सार्वजनिक

लेन्सनेपाल २०७५ चैत्र २२

चलचित्र ‘ए मेरो हजुर ३’ को तेस्रो गीत सार्वजनिक गरिएको छ । सार्वजनिक गरिएको ‘चिट डे’ बोलको गीतमा प्रतिक पौडेको शब्द तथा संगीत र प्रविशा अधिकारीको स्वर रहेको छ । डेव्यु गर्ल सुहाना थापालाई फिचर्ड गरिएको गीतमा राहुल शाहको कोरियोग्राफी रहेको छ ।

नयाँ वर्षको अवसर पारेर चैत्र २९ गतेबाट प्रदर्शन हुने चलचित्रमा सुहानाले अनमोल केसीसँग अनस्कृन रोमान्स गरेकी छिन । अनमोलले भने यो चलचित्र आफ्नो इमोशनसँग जोडिएको बताएका छन् । चलचित्रले स्टार र फ्यानविचको साँगीतीक प्रेमकथा देखाउँछ ।

अभिनेत्री झरना थापाले निर्देशन गरेको चलचित्रलाई सुनिल कुमार थापाले निर्माण गरेका हुन् । सुहाना झरना र सुनिलकी छोरी हुन । सुहाना इन्टरटेनमेन्टको व्यानरमा निर्माण भएको चलचित्रमा अनमोल र सुहानाका अलवा अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतमलगायतका कलाकारको पनि अभिनय रहेको छ । चलचित्रमा झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद, सञ्जय लामाको छायांकन, कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व र दिर्घ खड्काको सम्पादन रहेको छ ।