चलचित्र ‘अन्जिला’ फस्टलुक सार्वजनिक

लेन्सनेपाल २०८० फागुन २५

चलचित्र ‘अन्जिला’ फस्ट लुक पोस्टर सार्वजनिक गरिएको छ । निर्देशक मिलन चाम्सले पोस्टर सार्वजनिक गर्दै छिट्टै नै उपयुक्त रिलिज मिति तय गर्ने बताए ।

महिला राष्ट्रिय फुटबल टिमकी नम्बर एक गोलरक्षक अञ्जिला तुम्बापो सुब्बाको जीवनबाट प्रभावित रहेको चलचित्रको पोस्टरमा अञ्जिला र अभिनेता दयाहाङ राईलाई स्थान दिइएको छ । पोस्टरबाट अञ्जिलाको ग्रामीण जीवनको सङ्घर्षदेखि खेल जीवनसम्मको कथा यो चलचित्रमा रहेको अनुमान गर्न सकिन्छ । अभिनेता राईको भूमिकाबारे भने पोस्टरले केही बोलेको छैन ।

चलचित्रमा अन्जिला सँगै दयाहाङ राई, मिरुना मगर, सिर्जना सुब्बा, माओत्से गुरुङ, बुद्धि तामाङ, विजयबराल, हरि खड्का, लगायतको अभिनय छ । प्रेम कुमार श्रेष्ठको लगानी रहेको चलचित्रको सहनिर्मातामा राजेश बगडिया र विनोद अग्रवाल रहेका छन् ।