अनमोलले छोडे ‘हनी बनी’

लेन्सनेपाल २०७९ बैशाख १८

अनमोल केसीले चलचित्र ‘हनी बनी’बाट हात झिकेका छन् । चलचित्रका लागि वर्कशप समेत गरेका अनमोलले के कारण चलचित्र छोडे भन्ने ठोस कुरा बाहिर नआए पनि निर्माण पक्षले सहमतिमै चलचित्र बाट हात झिकेको बताएको छ ।

दिवाकर भट्टराइृको निर्देशन रहने चलचित्रको टिम छायाँकनका लागि आगामी बिहिबार बेलायत जाने तयारीमा थियो । तर, अनमोलले चलचित्र छोड्नु र नायिका सारा सिर्पाइलीको पनि भिषा नलागेका कारण छायाँकन मितिमा अन्यौल देखिएको छ ।

नायकले चलचित्र छोड्नु र नायिकाको भिषा नलागे पछि निर्माण टिम अन्य कलाकार भित्राउन सम्बादमा जुटिरहेको बुझिएको छ ।