‘घर नम्बर २’मा आर्यन

लेन्सनेपाल २०८१ श्रावन १४

चलचित्र ‘के घर के डेराः घर नम्बर २’मा नायक आर्यन सिग्देलको प्रवेश सँगै लाइनअप बलियो बनेको छ । निर्माणपक्षले चलचित्रमा यस अघि नै खगेन्द्र लामिछाने र निश्चल बस्नेत फाइनल भएका छन् ।

चलचित्रको निर्माणपक्ष र आर्यनबिच लिखित संझौता भइसकेको छ । चलचित्रमा आर्यनको कस्तो भूमिका छ भन्ने बिषयमा भने केही पनि खुलाइएको छैन । तर, आफ्नो भूमिका र चलचित्रलाई लिएर आर्यन भने उत्साहित देखिएका छन् ।

आर्यनले अभिनय गरेको चलचित्र ‘पुजार सार्की’ जेठ १० गतेबाट रिलिजमा आएको थियो । यो चलचित्र बक्स अफिसमा हिट भयो । यसपछि, आर्यनको माग चलचित्र क्षेत्रमा बढेको देखिन्छ ।

दीपेन्द्र के खनालको निर्देशनमा बन्न लागेको चलचित्रको छायांकन साउनको २५ गतेबाट सुरु हुँदैछ । निर्माणपक्षका अनुसार, अब चलचित्रका लागि मुख्य दुई नायिका फाइनल गर्न बाँकी छ ।

ए प्लस इन्टरटेन्मेन्ट र नटराज क्रियशनको ब्यानरमा निर्माण हुन लागेको चलचित्रको कथा बुद्धि सागरले लेखिरहेका छन् । चलचित्रमा शरद श्रेष्ठ, किरण महर्जन र राजिव श्रेष्ठको लगानी छ । चलचित्रका कार्यकारी निर्माता युवराज कार्की हुन् ।