चलचित्र खेल्दै भाइरल गायक अशोक दर्जी

लेन्सनेपाल २०८१ बैशाख ६

कुनै समयका भाइरल बालगायक अशोक दर्जीको चर्चित गीत ‘मनबिनाको धन ठुलो कि धनबिनाको मन’ शिर्षकमा चलचित्र बन्ने भएको छ । यसै गीतका संगीतकार टंक बुढाथोकीले दर्जीलाई नै मुख्य भूमिकामा अभिनय गराउँदै चलचित्र बनाउन लागेका हुन् । उनले बिहीबार चलचित्र विकास बोर्डमा चलचित्रको नाम दर्ता गर्दै निर्माण इजाजत लिएका छन् ।

टंक बुढाथोकीको निर्माण तथा निर्देशन रहने चलचित्रका निर्मातामा विनय अधिकारी रहेका छन् । अशोक दर्जीको जीवन र सांगीतिक करिअरको उतारचढावमा आधारित रहेर बन्ने भनिएको चलचित्रलाई शिवम् अधिकारीले लेखेका छन् । चलचित्रलाई २०८१ सालभित्रै प्रदर्शन गर्ने तयारी छ ।

चलचित्रमा दर्जीको संगीत करिअरमा टंकले दिएको योगदान र कथित ‘अलग’ जातको मान्छेलाई आफ्नो घरमा राखेर दिएको जातीय सहिष्णुताबारेको सन्देशको कथावस्तु चलचित्रमा समावेश हुनेछ ।