भाद्र ३१ मा ‘बाबरी’

लेन्सनेपाल २०७८ फागुन १७

चलचित्र बाबरी आगामी वर्षको भाद्र ३१ गतेबाट प्रदर्शनमा आउने भएको छ । महाशिवरात्रीको अवसर पारेर निर्माण टिमले मंगलबार चलचित्रको प्रदर्शन मिती सार्वजनिक गरेको हो ।

सुरेन्द्र पौडेल निर्देशित चलचित्रमा धिरज मगर, अदिती बुढाथोकी र धिरज नाडकरको मुख्य भुमिका रहेको छ । बाबरी फिल्मको प्रस्तुती र सुष्मा प्रोडक्सनको व्यानरमा निर्माण भएको चलचित्रमा पुष्पा अधिकारी निर्माता र सुष्मा गुरुङ सहनिर्माता छन् ।

त्रिणात्मक प्रेमकथामा आधारित चलचित्रको काठमाडौं, झापा, मोरङ र उत्तरी सिक्किमलगायतका स्थानमा छायाँकन गरिएको छ । चलचित्रका छायाँकार नरेन्द्र मैनाली हुन् ।