असोज २६ मा थपियो ‘बासेन्जी’

लेन्सनेपाल २०८० असोज ११

असोज २६ गतेबाट चलचित्र ‘परदेशी २’, ‘कौशिद’ र ‘बासेन्जी’ प्रदर्शन हुने भएका छन् । दशैकोअवसर पारि शुरुमा यो मितिमा ‘परदेशी २’ प्रदर्शन हुने पक्का भएको थियो । त्यसपछि ‘कौशिद’ थपिएको थियो भने ‘बासेन्जी’ पनि सोही मितिमा प्रदर्शन हुने घोषणा गरिएको छ ।

निर्माण टिमले बिहिबार प्रेस बिज्ञप्ती सहित एक पोस्टर सार्वजनिक गर्दै उक्त मितिमा प्रदर्शन हुने जानकारी दिएको हो । राजीव मानन्धरको छायांकन रहेको चलचित्रमा असिम निरौला, सुप्रिम राई, मिथिला शर्मा, सरिता गिरी, अंकित खड्का, प्रवेश उप्रेती, निरु खड्का, प्रतिक दुलाल, सुदीपा पाठक, राज शर्मा, मोक्ष अधिकारी लगायतको अभिनय छ ।

गौरीशङ्कर इन्टरटेनमेन्टको ब्यानरमा अमेरिकी नागरिक इयन स्कट क्लेमेन्टको निर्देशन तथा सुरज मैनालीले निर्माण गरेको चलचित्रमा निर्देशक क्लेमेन्ट, निर्माता मैनाली र गौरव बस्नेतको लेखन रहेको छ ।