अमेरिकाका २० भन्दा बढी राज्यमा प्रदर्शन हुँदै ‘बेहुली फ्रम मेघौली’

लेन्सनेपाल २०८१ कार्तिक ११

यसअघि अक्टोबर ३ मा नेपालसँगै अमेरिकाका केही शहरहरुमा प्रदर्शन भएको चलचित्र ‘बेहुली फ्रम मेघौली’ केही स्थानमा पुनः र केही थप स्थानमा प्रदर्शन हुने भएको छ ।

क्यालिफोर्नियामा पुनः प्रदर्शन सुरु हुन लागेको चलचित्र टेक्ससमा ३० भन्दा बढी शो टाइमहरूसहित शुक्रवारबाट प्रदर्शन भइरहेको छ । यस्तै कोलोराडो, न्यूह्याम्सायर, बाल्टिमोर, भर्जिनिया, बोस्टन लगायत २० भन्दा बढी राज्यमा पनि चलचित्र प्रदर्शनमा आउन लागेको अमेरिकाको लागि यस चलचित्रका वितरक रबिन कार्की ‘रायन रेज’ले जनाएका छन् । चलचित्रको अमेरिका प्रदर्शन अधिकार नेपसिने, हिमालीफाई, खड्का ग्रुप, नेपाल इन्टरटेनमेन्ट, र ब्लुम एन्ड कम्पनीले संयुक्त रूपमा खरिद गरेका हुन् ।

सजन काफ्ले र आकाश बरालद्वारा लेखन तथा निर्देशन गरिएको यस चलचित्रमा निश्चल र स्वस्तिमा खड्काका साथमा वसुन्धरा भुसाल, विजय बराल, सिम्रन खड्का, लोकेन्द्र लेखक, रक्षा थापा, सिरु बिस्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली, र रामबाबु रेग्मी लगायतले अभिनय गरेका छन् ।