अस्करका लागि ‘बुलबुल’ सिफारिस
९२ औं एकेडेमी अस्कर अवार्डका लागि अन्तर्राष्ट्रिय फिचर फिल्म विधामा नेपालबाट चलचित्र ‘बुलबुल’ सिफारिस भएको छ । अन्तर्राष्ट्रिय फिचर फिल्म छनोट समिति नेपालले ‘बुलबुल’लाई सिफारिस गरेको हो ।
समितिले सन् २०१८ अक्टोबर १ देखि सन् २०१९ अगष्ट ३० सम्म सार्वजनिक प्रदर्शन भएका चलचित्रलाई सहभागिताका लागि आह्वान गरेको थियो । भाद्र १३ गते शुक्रबारसम्म चलचित्र दर्ताका लागि आब्हान गगरिएकोमा उक्त मितिमा ‘बुलबुल’ मात्र सहभागी भए पछि स्वतः छनोट भएको समितिले जनाएको छ ।
सन् २०२० फेब्रुअरी ९ तारिखमा अमेरिकाको लस् एन्जेलसको डल्बी थिएटरमा हुने अवार्डमा ‘बुलबुल’ले अन्तर्राष्ट्रिय फिचर फिल्म विधामा प्रतिस्पर्धा गर्नेछ ।
टेम्पो चालक महिलाको कथा भन्ने चलचित्र ‘बुलबुल’मा स्वस्तिमा खड्का, मुकुन भुषाल, लक्ष्मी गिरी, दिपक क्षेत्री, जोयस पाण्डे, उज्वल अधिकारी, एलिना कार्कीलगायतका कलाकारको अभिनय रहेको छ । चलचित्रलाई बिनोद पौडेलले लेखन तथा निर्देशन गरेका हुन । अविरल थापा, भिम थापा, राजु पौडेल, पुरुषोत्तम पाण्डे लगायतको लगानी रहेको चलचित्रका कार्यकारी निर्माता राजाराम दाहाल हुन । चलचित्रमा सुशन प्रजापतीको छायाँकन, कविराज गहतराजको कोरियोग्राफी र अनिमेश सापकोटाको सम्पादन रहेको छ ।
Latest Updates
New Releases (Chaitra 9)
-
Mahajatra
Director : Pradip Bhattarai
Casts : Hari Bansha Acharya, Bipin Karki, Rabindra Singh Baniya, Rabindra Jha, Divya Dev
Next Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang