आर्यन र मिरुनाको ‘च च हुई’ मंसिर ६ मा

लेन्सनेपाल २०७६ श्रावन ३
आर्यन र मिरुनाको ‘च च हुई’ मंसिर ६ मा

चलचित्र ‘च च हुई’ मंसिर ६ गतेबाट प्रदर्शनमा आउने भएको छ । यसअघि कार्तिक २९ गतेबाट प्रदर्शनमा ल्याउने तयारी गरिएको भएपनि बितरकसँगको सम्झौता पछि मंसिर ६ गतेलाई फाइनल गरिएको हो ।

साम्तेन भुटियाको निर्देशनमा बनेको चलचित्रमा आर्यन सिग्देल, मिरुना मगर, माओत्से गुरुङ, भोलाराज सापकोटा, पुस्कर गुरुङ, बबिता मल्ल लगायतका कलाकारको अभिनय रहेको छ । चलचित्रमा सुशन प्रजापतिको छायाँकन, राजनराज सिवाकोटी र रोशन थापाको संगीत र सिजन दाहाल र सन्देश अर्यालको लेखन रहेको छ ।

‘एजीएल इन्टरटेनमेन्ट’को ब्यानरमा निर्माण भएको चलचित्रमा अमृत घोले लामाको लगानी रहेको छ । निर्देशक भुटियाले आफ्ना यसअघिका चलचित्र भन्दा ‘च च हुई’ नितान्त फरक र कमर्सियल चलचित्र बनाएको बताएका छन् । उनले दर्शकलाई भरपुर मनोञ्जन दिलाउने प्रयास यो चलचित्रमा गरेको जनाएका छन् ।