‘छ माया छपक्कै’को प्रमोसनल गीत सार्वजनिक
यस वर्षको बहुप्रतिक्षित मध्येको एक चलचित्र ‘छ माया छपक्कै’को प्रमोसनल गीत सार्वजनिक गरिएको छ । दुर्गेस थापाको तीज गीत ‘बिच बिचमा’को संगीतमा कमेडी शैलीको शव्द प्रयोग गर्दै गीत तयार पारिएको छ । दुर्गेस स्वयंको शब्द, संगीत र स्वर रहेको गीतले दर्शकहरुलाई ‘छ माया छपक्कै’ प्रदर्शन हुने मिति जानकारी गराउँदै टिका लगाएर चलचित्र हेर्न आग्रह गरेको छ ।
गीतको भिडियोमा गायक दुर्गेससहित चलचित्रका कलाकारहरु दीपकराज गिरी, जितु नेपाल, केदार घिमिरे, केकी अधिकारी, सुपुष्पा भट्ट र निर्देशन सल्लाहकार दीपाश्री निरौलालाई फिचर गरिएको छ । यसअघि पनि दिपक दिपाका टिमले प्रमोशनल गीत तयार गर्ने गरेको थियो । यस वर्षको तीज निकै रुचाइएको यो गीत लोकपप शैलीको छ ।
असोज २४ गतेबाट प्रदर्शनमा आउने चलचित्रलाई दीपेन्द्र लामाले निर्देशन गरेका हुन् । चलचित्रमा दीपक, जितु, केदार, केकी र सुपुष्पाका अलवा अनुराग कुँवर, प्रकाश घिमिरे, रमा थपलिया, विष्णु सापकोटालगायतका कलाकारहरुको पनि अभिनय रहेको छ । चलचित्रमा निर्देशक लामाकै कथा, दीपकको पटकथा, दीपक, केदार, जितु र अभिमन्यू निरवीको संबाद, हरि हुमागाइँको छायाँकन, विपिन मल्लको सम्पादन, रोशन श्रेष्ठको द्वन्द्व र कविराज गहतराजको कोरियोग्राफी रहेको छ ।
रोहित अधिकारीको निर्माण रहेको चलचित्र दीपक–दीपाको प्रस्तुति हो । जितु नेपाल र केदार घिमिरे कार्यकारी निर्माता रहेको चलचित्रमा सुमन गिरी (भान्जा), ताराचन्द बजगाईं (निशान), केशव न्यौपाने, सुरज बम ठकुरी र रविन डाँगी सहनिर्माता हुन् ।
Latest Updates
New Releases (Chaitra 9)
-
Mahajatra
Director : Pradip Bhattarai
Casts : Hari Bansha Acharya, Bipin Karki, Rabindra Singh Baniya, Rabindra Jha, Divya Dev
Next Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang