‘छ माया छपक्कै’को फस्टलूक पोस्टर सार्वजनिक

लेन्सनेपाल २०७६ भाद्र १०
‘छ माया छपक्कै’को फस्टलूक पोस्टर सार्वजनिक

दीपकराज गिरी, केदार घिमिरे, जितु नेपाल र केकी अधिकारीलाई प्रस्तुत गर्दै चलचित्र ‘छ माया छपक्कै’को फस्टलूक पोस्टर सार्वजनिक गरिएको छ । पोस्टर छक्का पञ्जा रिसिजको फ्लेवरमा तयार गरिएको छ ।

रोहित अधिकारीले निर्माण रहेको चलचित्र दीपक-दीपाको प्रस्तुति हो । दिपेन्द्र लामाले निर्देशन गरेको चलचित्रमा सुपुष्पा भट्ट, अनुराग कुँवर, प्रकाश अधिकारीलगायतका कलाकारको पनि अभिनय रहेको छ । दशैँ रिलिजको लक्ष्य राखेको चलचित्रको फस्टलुकमा डेट भने उल्लेख गरिएको छैन । 

निर्देशक लामाकै कथा रहेको चलचित्रमा दीपकराज गिरीको पटकथा, अभिमन्यु निरबी, दीपकराज गिरी, केदार घिमिरे र जितु नेपालको संवाद रहेको छ ।

जितु नेपाल र केदार घिमिरे कार्यकारी निर्माता रहेको चलचित्रमा सुमन गिरी (भान्जा), ताराचन्द बजगाईं (निशान), केशव न्यौपाने, सुरज बम ठकुरी र रविन डाँगी सह निर्माता हुन् ।