Movie News

छक्का पञ्जा प्रमोशन गीत रिलिज, दिपक, दिपा, केदार र जीतुको र्‍याप

लेन्सनेपाल २०७५ असोज १७

दशैको अवसर पारी घटस्थापनाको दिनबाट प्रदर्शन हुन लागेको चलचित्र छक्का पञ्जा ३ ले प्रमोशनल गीत सार्वजनिक गरेको छ ।

१ मिनेट १५ सेकेण्ड लामो प्रमोशनल गीतमा कलाकारहरु दिपकराज गिरी, केदार घिमिरे, जितु नेपाल र निर्देशक दीपाश्री निरौलाले र्‍याप हानेका छन् भने डेविड शंकरको स्वर रहेको छ ।

चलचित्रमा समावेश पहिलो नम्बरमा बोलको गीतको म्यूजिकमा प्रमोशनल गीत तयार पारिएको हो । प्रमोशनल गीतमा केदार घिमिरेका शव्द रहेका छन् ।
हरेक चलचित्रमा फरक फरक शैलीको प्रमोशन शैली अपनाउने छक्का पञ्जा युनिटले तेस्रो संस्करणमा रिलिज डेट रजिष्टर गराउने गरी प्रमोशनल गीत तयार गरेको हो । यस अघि छक्का पञ्जा २ प्रदर्शनको समयमा पनि यस्तै एक गीत तयार गरेको थियो ।

दीपाश्री निरौलाको निर्देशनमा तयार भएको चलचित्र असोज २४ गते घटस्थापनाबाट रिलिज हुँदैछ । चलचित्रमा दिपकराज गिरी, दीपिका प्रसाई, केदार घिमिरे, जितु नेपाल, वुद्दि तामाङ लगायतका कलाकारको मुख्य भूमिका छ ।

कमेडी जनराको छक्का ३ मा शैक्षिक क्षेत्रमा हुने बिकृतिमाथी व्यङ्ग गरिएको छ ।