‘छक्का पञ्जा ४’ फागुन १९ मा

लेन्सनेपाल २०७९ भाद्र ३१

चलचित्र ‘छक्का पञ्जा ४’ फागुन १९ गतेबाट प्रदर्शनमा आउने भएको छ । चलचित्रका निर्माता तथा मुख्य कलाकार दिपकराज गिरीले शुक्रबार फागुन १९ बाट चलचित्र प्रदर्शनमा आउने जानकारी गराएका हुन् । यसअघि चलचित्र दशैं वा तिहारमा प्रदर्शन हुने निकै चर्चा चलेको थियो ।

हेमराज विसी निर्देशित ‘छक्का पञ्जा ४’ले रोजेको उक्त मितिमा यस अघि नै ‘वर एन्ड वधु’, ‘परस्त्री’ र ‘बुलाकी’ गरी तीन चलचित्रले प्रदर्शन हुने घोषणा गरिसकेका छन् । यसअर्थ यदि कुनै चवलचित्रको प्रदर्शन हेरफेर नभए उक्त मितिमा चार चलचित्र एकसाथ प्रदर्शनमा आउने छन् ।

आमा सरस्वती मुभिजको ब्यानरमा निर्माण भएको चलचित्रमा दीपकराज गिरी, दीपाश्री निरौला, केदार घिमिरे, बेनिशा हमाल, निर्मल शर्मा, नीर शाह, मलिना जोशी, राज आचार्यलगायतको अभिनय रहेको छ । नरेन्द्र मैनालीको छायांकन रहेको चलचित्रमा कार्यकारी निर्मातामा केदार प्रसाद घिमिरे र निर्मल शर्मा छन् ।

कमेडी जनरामा निर्माण भएको चलचित्रले राजनीतिक विषयलाई उठाइएको बुझिएको छ ।