‘दाल भात तरकारी’को ‘एन्टिबायोटिक’ सार्वजनिक

लेन्सनेपाल २०७६ बैशाख १३
‘दाल भात तरकारी’को ‘एन्टिबायोटिक’ सार्वजनिक

चलचित्र ‘दाल भात तरकारी’को आइटम गीत सार्वजनिक गरिएको छ । सार्वजनिक गरिएको ‘एन्टिबायोटिक खाउला’ बोलको गीतमा हरिवंश आचार्यको शब्द, शम्भुजित बास्कोटाको संगीत र मिना निरौलाको स्वर रहेको छ । कविराज गहतराजको कोरियोग्राफी रहेको गीतमा प्रियंका कार्कीलाई फिचर्ड गरिएको छ ।

आउने शुक्रबारबाट प्रदर्शन हुने चलचित्रलाई सुदन केसीले निर्देशन गरेका हुन् । कलाकार किरण केसीका छोरा सुदनले यसै चलचित्रबाट निर्देशनमा डेव्यु गरेका हुन् । चलचित्रमा मदनकृष्ण श्रेष्ठ, हरिवंश आचार्य, निरुता सिंह, पुष्प खड्का, आँचल शर्मा, बर्षा राउत, किरण केसीलगायतको अभिनय रहेको छ ।

चलचित्रमा हरिबंश आचार्यको लेखन, दिर्घ गुरुङको छायाँकन र मित्र डि. गुरुङको सम्पादन रहेको छ । मह संचारको प्रस्तुतिमा निर्माण भएको चलचित्रका प्रस्तुतकर्ता किरण केसी हुन् । चलचित्र कमेडी जनराको हो ।