सर्ट मुभि ‘डार्क मुन’ सार्वजनिक

लेन्सनेपाल २०७७ भाद्र ६

सर्ट मुभि ‘डार्क मुन’ सार्वजनिक गरिएको छ । चलचित्र पत्रकार रामजी ज्ञवालीको निर्देशन रहेको सर्ट मुभिमा साहिल खान, सूर्या थापा, क्रिजन गौतम, तनुजा कार्की, निशाव लम्साल, यूमी बराललगायतको अभिनय रहेको छ ।

एउटी आमाले सन्तानप्रतिको दायित्व बिर्सदा उनका सन्तानको भविष्य कतातर्फ जान्छ ? भन्ने विषयमा सर्ट मुभि निर्माण गरिएको छ ।

प्रदीप भारद्धाजको लेखन रहेको सर्ट मुभिलाई कृष्मा गौतम र सारा भूर्तेलले निर्माण गरेका हुन् । सर्ट मुभिमा नवराज उप्रेतीले छायाँकन, सुदीप बरालको डिओपी, एलिश कार्कीको ब्याकग्राउण्ड स्कोर, बिशाल निरौलाको गायन तथा संगीत र साहिल खानको सम्पादन छ ।