दयाहाङको भिडियो 'आउन मायामा' सार्वजनिक

लेन्सनेपाल २०७७ कार्तिक १६

गायिका मेलिना राई र गायक सुमन राईको स्वरमा रहेको गीत ‘आउन माया’को भिडियो सार्वजनिक भएको छ । गायक तथा संगीतकार हरि लम्सालको शब्द, संगीत र एरेन्जमा तयार भएको गीतले माया प्रेम र विरहलाई प्रस्तुत गरिएको छ ।

भिडियोमा अभिनेता दयाहाङ राई र विमला खजुमको अभिनय रहेको छ । भिडियोमा आफूलाई भन्दा बढी माया गर्ने मायालु साथमा नै हुँदा बेवास्ता गर्ने प्रेमीले मायालु टाढिएपछि बल्ल उनको महत्व बुझेको कथालाई मार्मिक तरिकाले देखाइएको छ ।

किरन चाम्लिङ राईको निर्देशन रहेको गीतको भिडियोको सम्पादन अनिल रानाले गरेका हुन् भने छायांकन भुपेन्द्र तुम्बाहाम्फेको छ ।