‘दयारानी’को गीत ‘चोरी चोरी’ सार्वजनिक

लेन्सनेपाल २०८० पौष १६

चलचित्र ‘दयारानी’मा समावेश ‘चोरी चोरी’ बोलको गीत सार्वजनिक गरिएको छ । नयाँ वर्षको अवसर पारी सोमबार सार्वजनिक गरिएको गीतमा कलाकारद्वय दयाहाङ राई र दीया पुन फिचर्ड छन् । सार्वजनिक गीतमा मनोज थापा मगरको संगीत, हर्क साउँदको शब्द र संगीतकार थापा मगर र सदिक्षा कट्टेलको स्वर रहेको छ ।

माघ २६ गतेबाट नेपालसहित बिभिन्न देशमा एकसाथ प्रदर्शनमा आउने चलचित्र अभिनेता माओत्से गुरुङको लेखन तथा निर्देशनमा निर्माण भएको हो । गुरुङ भाषाका थुप्रै चलचित्रको निर्देशन गरिसकेका गुरुङको यो डेब्यु निर्देशकिय फिचर फिल्म हो ।

बाँसुरी फिल्मस् र माओत्से फिल्मस्को ब्यानरमा निर्माण भएको चलचित्रमा दयाहाङ र दीयाका अलावा विजय बराल, प्रमिसा गुरुङ, पुस्कर गुरुङ, टिकाराम घले, र्शिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ र क्रिष्टी गुरुङ लगायतका कलाकार पनि अभिनय छ ।

मोहन गुरुङ, किरण गुरुङ, केन्द्र लिम्बु र न्यू आइटी भेन्चरको सहकार्यमा निर्माण भएको चलचित्रका कार्यकारी निर्माता रामबाबु गुरुङ र अपिल विष्ट हुन् ।