पूर्वका दर्शक भेट्न पुग्यो ‘डिग्री माइला’ टिम

लेन्सनेपाल २०८१ बैशाख ४

चलचित्र ‘डिग्री माइला’का प्रमुख कलाकारहरु आजबाट पूर्वी नेपालका दर्शक भेटन् निस्केका छन् । दयाहाङ राई, आचल शर्मा, बिजय बराल र कार्यकारी निर्माता मणिराम पोखरेलसहितको टिम मोफसल यात्रामा निस्केको हो ।

कोशी प्रदेशको राजाधानी बिराटनगरबाट सुरु हुने यो यात्रा बिर्तामोड पुगेर टुङगिने निर्माता मणिराम पोखरेलले बताए । पोखरेलका अनुसार टिम बिराटनगर, इटहरी, धरान, दमक, बिर्तामोडलगायतका शहरका हलहरुमा पुग्नेछ ।

रामबाबु गुरुङ निर्देशित चलचित्रले वक्सअफिसमा सुखद व्यापार गरिरहेको छ । वितरकका अनुसार दुई दिनमा ३ करोड ६ लाख कमाइ गरेको चलचित्रको कमाइ तेश्रो दिनमा झण्डै ४ करोडको निकट पुगेको छ ।

बाँसुरी फिल्मस्ले कबड्डी फिल्मस् तथा सुस्मा फिल्मस्सँग मिलेर निर्माण गरेको चलचित्रका निर्माताहरु विशाल गुरुङ, मणिराम पोखरेल, मधु मिजार तथा सुष्मा गुरुङ रहेका छन् । चलचित्रका कार्यकारी निर्माता क्रिश लामा हुन् ।