‘डिग्री माइलाः एमए थर्ड क्लास’को शुभ–मुहूर्त

लेन्सनेपाल २०८० भाद्र ३०

चलचित्र ‘डिग्री माइलाः एमए थर्ड क्लास’को शुभ – मुहूर्त गरिएको छ । रामबाबु गुरुङको निर्देशनमा रहने चलचित्रको शनिबार बिहान भाटभटेनी मन्दिरमा क्यामेरा र स्क्रिप्ट पूजा गर्दै मुहूर्त गरिएको हो ।

मुहूर्त समारोहमा निर्देशक गुरुङसहित चलचित्रका मुख्य कलाकारहरु दयाहाङ र आँचलका अलवा विजय बराल, माओत्से गुरुङलगायत उपस्थित रहेका थिए । असोज ५ गतेबाट ओखलढुङ्गास्थित रुम्जाटारमा पहिलो चरणको छायाँकन शुरु हुने चलचित्रको दोस्रो चरणको छायांकन मंसिरमा काठमाडौं र ओखलढुङ्गामा हुनेछ ।

बासुरी फिल्म्स प्रोडक्सनको ब्यानरमा निर्माण हुने चलचित्रको कथा शैक्षिक बेरोजगारीले युवाहरुमा ल्याएको निराशामा आधारित हुनेछ ।
२०८१ को नयाँ वर्षलाई चलचित्रको प्रदर्शन मिति घोषणा गरिएको छ ।