सगरमाथा चढ्दै अभिनेत्री दीया पुन

लेन्सनेपाल २०७८ पौष २७

अभिनेत्री दीया पुनले विश्वको सर्वोच्च शिखर सगरमाथा आरोहण गर्ने भएकी छिन् । दियाले अप्रिल महिनामा सगरमाथा आरोहणका लाग तयारी गरिरहेकी छिन ।

यसअघि ८ हजार १६३ मिटर अग्लो मनास्लु हिमाल चढिसकेकी उनले निजी खर्चमा सगरमाथा आरोहण गर्न लागेको बताइन् । बेलायतको कोलचेष्टर अस्पतालमा नर्सका रुपमा कार्यरत उनले सगरमाथा आरोहण यात्रालाई नर्सहरुको मानसिक स्वास्थ्यसित पनि जोडेकी छिन् । सगरमाथा आरोहणमार्फत तीनवटा च्यारिटीका लागि सहयोग संकलन गर्ने उनको योजना छ । बेलायतको राष्ट्रिय स्वास्थ्य सेवा (एनएचएस) च्यारिटी टुगेदर, उनी कार्यरत कोलचेष्टर अस्पताल च्यारिटी र नेपालमा रहेको चिल्ड्रेन एण्ड युथ फर्स्टका लागि च्यारिटीको प्लानमा उनी छिन ।

चलचित्र ‘बिर बिक्रम’ बाट नेपाली रजतपटमा प्रवेश गरेकी पुनले ह्याप्पी डेज, मिस्टर झोले, दया रानी र मन्त्र जस्ता चलचित्रमा काम गरि सकेकी छन् । दियाले सौगात मल्ल संग स्क्रिन शेयर गरेको चलचित्र मन्त्र सामान्य अवस्था रहेमा यहि माघ २८ गते बाट सार्वजनिक प्रदर्शनमा आउने छ।

यसअघि नायिका निशा अधिकारीले सगरमाथाको सफल आरोहण गरिसकेकी छिन ।