Movie News

चलचित्र ‘द्रौपदी’को टिजर सार्वजनिक

लेन्सनेपाल २०८१ माघ ७

चलचित्र ‘द्रौपदी’ को टिजर सार्वजनिक भएको छ । एक महिला पात्रको संवेदनालाई केन्द्रमा राखेर टिजर प्रस्तुत गरिएको छ ।

चैत ८ गतेलाई प्रदर्शन मिति तोकिएको चलचित्रलाई ऋषिराज आचार्यले निर्देशन गरेका हुन् । डोल्पाको शे फोक्सुन्डो ताल लगायत कर्णालीका विभिन्न स्थानमा छायाङ्कन गरिएको चलचित्रमा आश्विनी शाही, रवि ओड, कविराज भाम, जेल्सन अधिकारी, सुजाता तिमल्सिना, विष्णु ठडराई (सुवास), प्रकाश ज्ञवाली, सीता पौडेल, सुरज अधिकारी र निर्देशक आचार्यलगायतको अभिनय छ ।

आचार्यकै लेखन रहेको चलचित्रमा मोहन कुमारको छायाँकन, अनिल कुमार महर्जनको सम्पादन, रवि ओडको संगीत र निर्देशक आचार्यकै गीत छ । आर बि मुभिजको व्यानरमा बनेको चलचित्रका निर्माता ऋषीराज आचार्य र प्रकाश ज्ञवाली हुन् भने विष्णु ठडराई र ऋतु आचार्य सह–निर्माता हुन् ।