Mahajatra

हङकङमा एभरेष्ट इन्टरनेशनल फिल्म अवार्ड हुने

२०७५ माघ २४
हङकङमा एभरेष्ट इन्टरनेशनल फिल्म अवार्ड हुने

हङकङमा ‘एभरेष्ट इन्टरनेशनल फिल्म अवार्ड २०१९’ हुने भएको छ । सन् २०१९ को जुनमा आयोजना हुने अवार्डमा २० विधामा पपुलर अवार्ड प्रदान गरिने जनाइएको छ ।

अवार्डमा सन् २०१८ मा रिलिज भएका नेपाली चलचित्रहरु सहभागी हुन पाउनेछन् । जसमा तिन विधा आदिवासी फिल्मको पनि रहनेछन् भने एक चलचित्रकर्मीलाई लाइफ टाइम अचिभमेन्ट अवार्ड प्रदान गरिने जनाइएको छ ।

एभरेष्ट इन्टरटेनमेन्ट हङकङको व्यवस्थापन र नेपाल स्थित संगीक्षा फिल्मसको संयोजनमा अवार्ड सम्पन्न हुने जनाइएको छ । अवार्डलाई मनोज केसीले कोर्डिनेट गर्नेछन् भने नरेश भट्टराईले संयोजन गर्नेछन् । तिन हजार पाँच सय दर्शक क्षमता भएको हङकङको वानचाई स्थित ‘क्विन एलिजावेथ स्टेडियम हल’मा अवार्ड आयोजना हुनेछ ।

आउदो मार्चमा अवार्डको मनोनयन सर्वाजनिक गर्दै अवार्ड आयोजनाको मिति सार्वजनिक गरिने जनाइएको छ । निर्णायकका रुपमा भने कलाकार सुनिल थापालाई मात्र परिचित गराइएको थियो । नेपालबाट ६० जना कलाकार, प्राविधिक, पत्रकारको टोली अवार्डमा सहभागी हुने समेत बताइएको छ ।