हङकङमा हुने भो ‘एभरेष्ट इन्टरनेशनल फिल्म अवार्ड’

लेन्सनेपाल २०७५ कार्तिक २६

हङकङमा ‘एभरेष्ट इन्टरनेशनल फिल्म अवार्ड’ हुने भएको छ । एभरेष्ट इन्टरटेन्मेन्ट कम्पनी लिमिटेडको आयोजनामा सन् २०१९ को जुनमा यो अवार्ड हुने छ ।

चलचित्र क्षेत्रमा विशेष योगदान पुर्याएका एक चलचित्रकर्मीलाई ‘लाइफ टाइम एचिभमेन्ट अवार्ड’ का साथै २१ विधामा पपुलर अवार्ड प्रदान गरिनेछ । सन् २०१८ मा सार्वजनिक प्रदर्शनमा आएका इच्छुक नेपाली चलचित्रहरु यो अवार्डमा सहभागी हुनेछन् । अवार्डको नेपाल संयोजन संगिक्षा फिल्मस्ले गर्ने भएको छ । संगिक्षा फिल्मस्का प्रमुख मनोज केसीको उपस्थितिमा हङकङमै आयोजित पत्रकार सम्मेलनमा अवार्ड बारे जानकारी दिइएको हो ।

हङकङको ‘क्विन एलिजावेथ स्टेडियम’मा यो अवार्ड आयोजना हुने आयोजकले जनाएको छ । नेपालबाट ६० जना कलाकार, प्राविधिक, पत्रकारको टोली अवार्डमा सहभागी हुनेछ ।