चलचित्र नृत्य संघको अध्यक्षमा जनक कार्की

लेन्सनेपाल २०७९ माघ ५

चलचित्र नृत्य संघको अध्यक्षमा जनक कार्की निर्विरोध निर्वाचित भएका छन् । यस अघि कार्यबहाक अध्यक्षका रुपमा काम गर्दै आएका कार्की बुधबार राजधानीमा सम्पन्न पाँचौं राष्ट्रिय महाधिवेशनबाट अध्यक्षमा निर्वाचित भएका हुन् ।

महाधिबेशनबाट उपाध्यक्षमा गम्भीर विष्ट, सोम लामा र अजय स्याङ्तान, महासचिवमा दीपेन्द्र तिमल्सिना, सचिवमा लीलाधर भट्टराई, सहसचिवमा दीपक तामाङ, कोषाध्यक्षमा नारायण रिजाल र सहकोषाध्यक्षमा नवराज रिजाल निर्वाचित भएका छन् । यस्तै कार्यसमिति सदस्यका लागि देवराज सापकोटा, सुरेन्द्र बसेल, रामु थापा, रमेश बुढाथोकी र काजिश श्रेष्ठ निर्वाचित भएका छन् ।

महाधिबेशनमा अधिवक्ता ताराकुमार श्रेष्ठ, बरिष्ठ कलाकार, लेखक तथा निर्देशक मोहन निरौला र बरिष्ठ नृत्यनिर्देशक राजु शाहको निर्वाचन मण्डलले निर्वाचन गराएको गराएको हो । बुधबार नै नवनिर्वाचित पदाधिकारीलाई विजयको प्रमाणपत्र प्रदान गरिनुका साथै पद तथा गोपनियताको सपथ समेत गराइएको छ । चलचित्र नृत्य संघ नेपाली चलचित्रका नृत्य निर्देशक तथा नृत्यकारहरुको छाता संस्था हो ।