एकवर्षभित्र चलचित्र ऐन लागू गर्ने संचारमन्त्री गुरुङको भनाई

लेन्सनेपाल २०८१ मंसिर ५

संचार तथा सूचना प्रविधिमन्त्री पृथ्वीसुब्बा गुरुङले एकवर्षभित्र चलचित्र ऐन लागू गर्ने सरकारको तयारी रहेको बताएका छन् । बुधबार चलचित्र बिकास बोर्डमा आयोजित एक समारोहलाई सम्बोधन गर्दै उनले ऐनको मस्यौदा लेखन कार्य सकिएको जानकारी दिए । उनले संसद, कानून र प्रधानमन्त्रीको कार्यालयसँग समन्वय गरेर ऐन लागु गर्ने बताए ।

मन्त्री गुरुङले चलचित्रकर्मीलाई सरकारले चलचित्र विकास बोर्ड अन्तर्गत गर्नुपर्ने कामका लागि बिधागत सुझाव दिन आग्रह समेत गरेका छन् । उनले नेपाली चलचित्र बलिउडभन्दा अघि रहेको समेत उल्लेख गरे ।

चलचित्रकर्मीलाई बिशिष्ठ श्रेणीको परिचय पत्र प्रदान कार्यक्रममा बोल्दै उनले यस्तो बताएका हुन् ।