‘फिरफिरे फिरिरी’ माघ ४ गते रिलिज हुने

लेन्सनेपाल २०८१ मंसिर ३०

हरर कमेडी चलचित्र ‘फिरफिरे फिरिरी’को नयाँ पोस्टर सार्वजनिक गरिएको छ । नयाँ पोस्टर संगै चलचित्रको प्रदर्शन मिति सार्वजनिक गरिएको छ। चलचित्र माघ ४ गतेबाट प्रदर्शनमा आउने छ । यसअघि कार्तिक २२ मा रिलिज हुने भनिएको यो चलचित्रको रिलिज स्थगित भएको थियो ।

नविन भट्टले निर्देशन गरेको चलचित्रमा मनोज कुमार अधिकारी, सन्दिप श्रेष्ठ, भावना उप्रेती, रबिना केसी, पुष्प अवस्थी, सूर्यमान लिम्बु लगायतका कलाकारको अभिनय रहेको छ । चलचित्रलाई बिन्दबासिनी क्रियसनको ब्यानरमा मनोजकुमार अधिकारीले निर्माण गरेका हुन् भने नितिश पुन सह निर्माता रहेका छन् ।

चलचित्रमा सन्दिप श्रेष्ठ र नबिन भट्टको लेखन, जितु तामाङको छायांकन, केशव राज भट्टको कोरियोग्राफी, एलिस कार्कीको ब्याकराउण्ड म्युजिक, प्रशान्त सिवाकोटीको संगीत, अमित श्रेष्ठको साउण्ड डिजाइन, अनन्त घिमिरेको सम्पादन तथा कलर संयोजन रहेको छ ।