‘फूलबारी’को ट्रेलर सार्वजनिक

लेन्सनेपाल २०७९ माघ १०

चलचित्र ‘फूलबारी’को ट्रेलर सार्वजनिक गरिएको छ । रामबाबु गुरुङ निर्देशित चलचित्रको ट्रेलरमा पारिवारिक सम्बन्धको कथा प्रस्तुत गरिएको छ ।

चलचित्रमा विपिन कार्की, अरुणा कार्की, दयाहाङ राई, प्रियंका कार्की, शिल्पा मास्के, गौमाया गुरुङ लगायतको भूमिका रहेको छ । चलचित्रमा विपिन र अरुणाले झण्डै ६० वर्ष टेक्न लागेका अनस्क्रिन दम्पतीको भूमिकामा देखिएका छन् ।

उपेन्द्र सुब्बाको लेखन तथा कमलकिशोर मलपानीको कथा रहेको चलचित्रमा अमेरिकी छायांकार जोस हेरमको छायांकन रहेको छ । फागुन ५ गतेबाट प्रदर्शनमा आउने चलचित्रलाई यशोधा फिल्म्सको ब्यानरमा निर्माण गरिएको हो ।