गौरवले गरे श्रेणी खतिवडासँग इन्गेजमेन्ट

लेन्सनेपाल २०८० असोज ३

अभिनेता गौरव पहारीले इन्गेजमेन्ट गरेका छन् । बुधबार उनले प्रेमिका श्रेणी खतिवडासँग इन्गेजमेन्ट गरेका हुन् ।

राजधानीको एक होटलमा आयोजित समारोहमा दुवै परिवारका सदस्यका साथै गौरव नजिक चलचित्रकर्मीहरु सुनील थापा, विल्सन विक्रम राई, उदय सुब्बालगायत उपस्थित थिए । आगामी मंसिरमा उनीहरु विवाह गर्ने बताइएको छ ।

जनकारहरुका अनुसार उनीहरु विगत ३ वर्षदेखि प्रेम सम्बन्धमा छन् । गौरवले सन् २०१३ मा चलचित्र ‘मञ्जरी’बाट अभिनयमा डेब्यु गरेका हुन् । त्यसयता उनले ‘होस्टेल’, ‘उत्सव’, ‘गाजलु’, ‘मिस्टर भर्जिन’, ‘कुम्भ करण’, ‘साइँली’, ‘छक्का पञ्जा २’ लगायत चलचित्रमा अभिनय गरेका छन् । यस्तै श्रेणी पेशाले जुम्बा प्रशिक्षक हुन् ।