गोविन्दाको प्रमिस – नेपाली चलचित्र खेल्छु

बलिउड अभिनेता गोविन्दाले नेपाली चलचित्र खेल्ने इच्छा व्यक्त गरेका छन् । एलजी सिनेमा सर्कल फिल्म अवार्डमा सहभागी हुन नेपाल आएका अभिनेता गोविन्दाले त्रिभुवन अन्तर्राष्ट्रिय विमानस्थलको बिशिष्ट कक्षमा पत्रकारहरुसँग कुरा गर्दै यस्तो इच्छा व्यक्त गरेका हुन ।

नेपाली भाषामा बोल्न गरिएको आग्रहमा गोविन्दाले भनेका छन् – ‘म नेपाली भाषा सबै बुझ्छु ।’

नेपालीमै ‘अलि अलि आउँछ । कस्तो छ ?’ भनेका उनले पत्रकार माझ प्रमिस गर्दै भनेका छन् – ‘एकदिन नेपाली चलचित्र खेलेर तपाईको इच्छा पुरा गर्नेछु ।’ त्यसो त कुनै समय गोविन्दाले नेपालमा घर बनाएर बस्ने भन्ने खबर पनि बाहिरीएको थियो । नेपालमा बस्ने कुरालाई भने गोविन्दाले नकारेका छन् । यही प्रसंगमा गोविन्दालाई सोधिएको प्रश्नमा उनले भने – ‘मिडियामा त धेरै कुरा आएको थियो । मैले सुनिता (गोविन्दाकी श्रीमति)सँग सोधको पनि थिए यो कहाँबाट आयो भनेर ।’

पटक पटक नेपाल आएको भए पनि पहिलो पटक चलचित्रको कार्यक्रममा सहभागी हुन लागेको उनले जनाएका छन् । पत्रकार सम्मेलन मार्फत उनले आफुलाई माया गर्ने सम्पूर्ण नेपालीलाई धन्यबाद समेत व्यक्त गरेका ।

गोविन्दा आफ्नो सदाबहार स्टाइलमै पत्रकारहरु माझ प्रस्तुत भएका थिए । उनी निकै खुशी र उत्साहित समेत देखिन्थे ।

आफ्नी श्रीमती काठमाडौंकै भएकोले उसले जहाँ जहाँ लैजान्छीन त्यही त्यही घुम्ने गोविन्दाले जनाएका छन् । यद्यपी पशुपतिनाथको पुजा गर्ने कुरा भने उनले उल्लेख गरेका छन् ।

पहिले पहिले आमा र अहिले श्रीमतिको कुरा मान्ने भन्दै गोबिन्दाले आफ्नो सफलताको श्रेय सुनितालाई दिएका छन् ।

गोविन्दासँगै छोरी टिना पनि नेपाल आएकी छिन ।

गोबिन्दालाई एयरपोर्टमा सिनेमा सर्कलका अध्यक्ष दिनेश डिसी र चौधरी ग्रुपका तर्फबाट बरुण चौधरीले स्वागत गरेका थिए ।