‘गुञ्जन’को ट्रेलर सार्वजनिक

लेन्सनेपाल २०७९ पौष ८

चलचित्र ‘गुञ्जन’को ट्रेलर सार्वजनिक गरिएको छ । शुक्रवार सार्वजनिक १ मिनेट ५० सेकेन्ड लामो ट्रेलरमा त्रिकोणात्मक प्रेमकथालाई बुनिएको छ ।

आगामी पौष २९ गतेबाट प्रदर्शन हुने चलचित्रमा सारा सिर्पाली र प्रितमराज सेन्चुरीको प्रेम जीवनमा कबीर खड्काको प्रवेशपछि आउने विभिन्न उतारचढाव र साराका खातिर प्रितम र कबीरबीचको टकरावलाई ट्रेलरमा स्थान दिइएको छ । चलचित्रमा सारा, प्रितम र कविरसँगै सरोज खनाल, हिउँवाला गौतम, रोहन शाही, निरुता स्याङतान, कन्चन चालिसे, सुस्मिता बराल, इभा श्रेष्ठ, अमोद भट्ट, आइपी आचार्य, ऋचा शर्मा, अमेश न्यौपानेलगायतका कलाकारको पनि अभिनय रहेको छ ।

द्वन्द्व निर्देशक अष्ट महर्जनको डेब्यू निर्देशकिय चलचित्रबाट प्रितमराज सेञ्चुरीले पनि अभिनेताको रुपमा डेब्यू गरेका हुन् । हिराकृष्ण शाहीको प्रस्तुति र सुनिता शाही निर्माता रहेको चलचित्रको छायाँकन काठमाडौं, पोखरा, जोमसोम र दुबईमा गरिएको हो ।

चलचित्रमा कविराज गहतराजको कोरियोग्राफी, राजेश श्रेष्ठको छायांकन, विपिन मल्लको सम्पादन, करणराज कार्की, कल्याण सिंह र अर्जुन पोखरेलको संगीत छ ।