तस्वीर फिल्म मार्केटमा नेपाली चलचित्र ‘गुन्युचोलो’
अमेरिकाको प्रतिष्ठित ‘तस्वीर फिल्म फेष्टिवल’मा यस वर्षबाट ‘तस्वीर फिल्म मार्केट’ पनि शुरु गरिएको छ । दक्षिण एसियाली डायस्पोराका चलचित्रका निर्माता तथा श्रष्टाहरुका लागि आफ्ना सृजना अन्तराष्ट्रिय प्लेटफर्ममा प्रस्तुत गर्ने एक मञ्चका रुपमा मार्केटको शुरु गरिएको जनाइएको छ ।
अक्टोबर १५ देखि १८ सम्म अमेरिकाको सियाटलमा आयोजना हुने चलचित्र मार्केटमा अमेजन एमजीएम स्टुडियो, पिलर्स फण्ड, ब्लमहाउस एचबीओ, सीएए, क्रिएटिभ ल्याण्ड स्टुडियो जस्ता प्रतिष्ठित चलचित्र संस्थाहरू पनि सहभागी हुनेछन् । उक्त मार्केटका लागि नेपाली चलचित्र ‘गुन्युचोलो’ पनि छनौट भएको छ ।
समुन्द्र भट्टको निर्देशन रहेको चलचित्र लैंगिक अल्पसंख्यक पारालैंगिक पात्रको कथामा निर्माण भएको हो । नाजिर हुसेनको मुख्य भूमिका रहेको चलचित्रमा उनले पारालैंगिक महिला (ट्रान्सवुमन)को भूमिका निर्वाह गरेका छन् । चलचित्रमा नाजिरका साथ सञ्चिता लुइँटेल, सुशिल सिटौला, राजकुमार घोष, शिशिर राणा, अनुपम श्रेष्ठ, विशाल पहारीलगायतका कलाकारको अभिनय रहेको छ । चलचित्रको अन्तर्राष्ट्रिय वितरण अधिकार अमेरिकाको बफेलो एट्लेले खरिद गरेको छ ।
चलचित्रमा आकाश बुढाथोकी र भि–भन्से जानुबोनको लगानी छ । चलचित्रको कार्यकारी निर्माता जेफ्री जे वेन र स्टिभ जोन्स्टन हुन् भने अनुपम श्रेष्ठ चलचित्रका सह–निर्माता हुन् । चलचित्रलाई फेस्टिभल सर्किटपछि नेपालमा प्रदर्शन गरिने निर्देशक भट्टले जानकारी दिइन् ।
फेस्टिभलका संस्थापक र निर्देशक रीता मेहरले मार्केटको थालनीलाई निकै सकारात्मक मानेकी छिन् । मार्केटका लागि नेपाल सहित बिभिन्न देशका २० चलचित्रहरु अन्तिम छनौटमा परेका छन् ।
Latest Updates
-
‘बेहुली फ्रम मेघौली’लाई हलबाट उतार्ने बस्नेतको घोषणा, अब ओटिटीमा रिलिज हुने
-
चलचित्र हलमा वहार, ‘छक्का पञ्जा ५’, ‘१२ गाउँ’ र ‘ज्वाइँ साब’ सबै अब्बल
New Releases (Ashwin 24)
-
Jwai Saab
Director : Basanta Niraula
Casts : Jitu Nepal, Niti Shah, Himesh Panta, Buddhi Tamang, Ramesh Budhathoki -
12 Gaun
Director : Biraj Bhatta
Casts : Biraj Bhatta, Samir Bhatta, Sonu Chandrapal, Muralidhar, Sanisha Bhattarai -
Chhakka Panja 5
Director : Deepa Shree Niraula
Casts : Deepak Raj Giri, Kedar Ghimire, Barsha Shiwakoti, Prakash Ghimire, Rajaram Poudyal
Next Releases (Kartik 15)
-
Aktor
Director : Rajan Bhusal
Casts : Pradeep Khadka, Raj Ballav Koirala, Anna Sharma, Divya Rayamajhi, Divya Dev