‘ह्यारीकी प्यारी’को ‘मिठो मिठो’ सार्वजनिक

लेन्सनेपाल २०७९ माघ १२

चलचित्र ‘ह्यारीकी प्यारी’को दोस्रो गीत सार्वजनिक गरिएको छ । बुघबार सार्वजनिक गरिएको ‘मिठो मिठो’ बोलको गीतमा युग भुषालको संगीत तथा निर्देशक डाक्टर कपिल रिजालको शब्द र सौरव दास र देवाञ्जली वी जोशीको स्वर रहेको छ । चलचित्रका मुख्य कलाकारद्वय साम्राज्ञी राज्यलक्ष्मी शाह र जितु नेपाललाई फिचर्ड गरिएको गीतमा कविराज गहतराजको कोरियोग्राफी रहेको छ ।

बिआर प्रोडक्सनकको प्रस्तुतीमा निर्माण भएको चलचित्रमा साम्राज्ञी र जितुका अलवा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालको पनि अभिनय रहेको छ ।

माघ २० गतेबाट प्रदर्शन हुने चलचित्र डाक्टर कपिल रिजालको प्रस्तुतिमा निर्माण भएको हो । चलचित्रमा रिजाल स्वयंमको कथा तथा निर्देशन, सुदीप बराल, गिरीराज घिमिरे, डाक्टर रिजाल, अभिमन्यू निरवीको पटकथा र संवाद लेखन रहेको छ । दन्त चिकित्सक डाक्टर कपिल रिजालले यही चलचित्रबाट निर्देशनमा डेब्यू गर्दैछन् ।

चलचित्रमा डाक्टर भोला रिजालको गीत रचना, शिखर सन्तोष र युग भुषालको संगीत, सपनकुमार राई, सौभर दास, थोम्सन एन्ड्रयुज, मीना निरौलाको गायन र कविराज गहतराजको कोरियाग्राफी रहेको छ । सुदीप बरालको छायांकन गरेको चलचित्रलाई अर्जुन जिसीले सम्पादन गरेका हुन् ।